Matiu 21:15 - Nupela Testamen long tokples Kandas

¹⁵ Ra a kum lamlabino tene etabor torom o God, ma a kum tene ususer tagun a Warkurai, det tama a wakak na utna sakit ri i pami, ra det longoro i kai a kum nat liklik det kukukuk ubalan in noworo ina rumu na etabor lena, “Osana torom a Nutun o Dewid,” det kankan doko.

Matiu 21:15 Iomraidhean Croise

Matiu 20:24

A noino nat na ususer det longoro i, ra det kankan torom dersino.

Matiu 21:23

O Iesu i ruk ubalan in noworo ina rumu na etabor, ma i ususer a taro. A kum lamlabino tene etabor torom o God ma a kum mugumugu anun a taro det wan toromi. Ra det tingi lena, “Asi na ngas na dekdek ra u pam a kum utna ri nami? Osi ra i pitar tar a dekdek ri tam?”

Matiu 21:9

A kunur na taro ra det mugu tano, ma det kai ra det mur, det kukukuk lena, “Osana torom a Nutun o Dewid! O naro ra i wanpat nama risan a Labino i dan!” Sng 118:25-26 “Osana usapat netes sakit!”

Matiu 22:42

“Asau ra mot nuki una Karisito? I a nutun osi?” Det balu i lena, “A nutun o Dewid.”

Matiu 26:3

Una du bung ut ra a kum lamlabino tene etabor torom o God ma a kum mugumugu anun a taro, det kis tomo una labino rumu anun o Kaiapas, a mugumugu na tene etabor.

Matiu 26:59

A kum lamlabino tene etabor torom o God, tomo nama taro na kiwung rop, det sisio sur tu torotoro na wasiso un tu sakino utna ra o Iesu i sa pam tari, sur det in takuni nami, ma det in um doko i uni.

Matiu 27:1

Una kobot raut, a kum lamlabino tene etabor rop torom o God ma a kum mugumugu anun a taro, det wasiso tomo pas un o Iesu sur din um doko i.

Matiu 27:20

Ikut a kum lamlabino tene etabor torom o God ma a kum mugumugu det ukatutur a balan a kunur na taro sur det in sasaring sur o Barabas, ma sur din um doko o Iesu.

Matiu 9:27

O Iesu i wan tagitiro, ra aru musano, aru pulu, der muri, der kakabo sapat lena, “Nutun o Dewid, un maris mir.”

A Wakak na Wasiso un o Iesu Karisito o Mak i tumusi 11:18

A kum lamlabino tene etabor torom o God ma a kum tene ususer tagun a Warkurai det longoro i, ra det nuknuk sur tu kisapi sur det in um doko o Iesu uni, uni det ngarani. Det ngara uni a taro rop det kisin una kum etowo anunu.

Luk 20:1

Ara bung o Iesu i ususer a taro ubalan in noworo ina rumu na etabor, ma i warawai nama Wakak na Wasiso, ra a kum lamlabino tene etabor torom o God, ma a kum tene ususer tagun a Warkurai tomo nama kum mugumugu det wan toromi.

Luk 22:2

Ra a kum lamlabino tene etabor torom o God, ma a kum tene ususer tagun a Warkurai, det nuknuk sur tu ngas na kisapi sur det in um doko o Iesu uni, uni det ngaran a taro.

Luk 22:66

Ra i waspi, a kum mugumugu anun a taro, a kum lamlabino tene etabor torom o God, ma a kum tene ususer tagun a Warkurai det wan tomo. Ma di ben pas o Iesu torom det una nundet a kiwung, ma det watungi tano lena,

A Wakak na Wasiso un o Iesu Karisito o Jon i tumusi 11:57

A kum lamlabino tene etabor ma a kum Parisi det sa itula taru lena, ra taio i sa tama tar o Iesu, in inanos lakit uni ra kura i kis awai, sur det in pam ukai pasi.

A Wakak na Wasiso un o Iesu Karisito o Jon i tumusi 12:19

A kum Parisi det wasiso etetalai torom det lena, “Mot tama i, ka dat in pam lar pas tu utna ra dat nem na pami uni. Uni a taro rop det sa muri.”

A Wakak na Wasiso un o Iesu Karisito o Jon i tumusi 4:1

A kum Parisi det longoro i lena o Iesu i ben pas a susut na taro na ususer, ra det susut taun a taro na ususer anun o Jon, ma i baptaiso det.

A Wakak na Wasiso un o Iesu Karisito o Jon i tumusi 7:42

A Buk Tabu i watungi lena, a Karisito in nanpat tagun a kabotaro anun o Dewid. In nanpat tong o Betliem, a tamon ra numugu o Dewid i kis iai.”