Matiu 20:16 - Nupela Testamen long tokples Kandas

¹⁶ I lenri, det ra det mur uniri, numur det in mugu, ma det ra det mugu uniri, numur det in mur.”

Matiu 20:16 Iomraidhean Croise

Matiu 19:30

Ikut a susut ra det mugu uniri, numur det in mur, ma det ra det mur uniri, numur det in mugu.”

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Matiu 22:14

“Di sa kabo pas a susut, ikut di pilok pas a pak na taro kut.”

Matiu 7:13

“Mot in ruk una nat na matansako lik. Uni a matansako ma a kisapi ra i wan sur a iniru tukum, i perere ma i langolango, ma a susut na taro doko det ser ruk uni.

A Wakak na Wasiso un o Iesu Karisito o Mak i tumusi 10:31

Ikut a susut ra det mugu uniri, numur det in mur, ma det ra det mur uniri, numur det in mugu.”

Luk 14:24

A watungi tamot, katutaio tagun det, ra di sa inanos mugu tar det, in nangon tagun anung a lukaro.’”

Luk 15:7

A watungi tamot, i lenkutkai ra sapat una langit, a gasgas una tene sakino ra i nukpukus in labo taun a gasgas una lisu na noino ma lisu ra det sa tokodos, ma ka det in nukpukus melet.

Luk 7:47

I mo ra a watungi tam lena, anun a labino marmaris torom iau i ese i lena, o God i sa unus ru anun a susut na sakino petutna. Ikut osi ra o God i unus ru i kut anun a nat na sakino petutna, anun a marmaris kai in natino.”

A Pas anun o Pol torom a taro Rom 5:20

Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni.

A Pas anun o Pol torom a taro Rom 8:30

Ma det ra o God i sa pilok pas det, i kabo pas det kai. Ma det ra i sa kabo pas det, i watung det, det tokodos umatano. Ma det ra i watung det, det tokodos umatano, i pitari kai a minamar torom det.

A Pas anun o Pol torom a taro Rom 9:30

I mo ra asau mo dat in watungi una kum utna ri? Det ra awu sur a taro Israel awu sur det dekdek sur det in tokodos umatan o God. Ikut o God i watung det lena det tokodos umatano, kibino una nundet a nurnur.

1 Tesalonaika 2:13

Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur.