Matiu 17:3 - Nupela Testamen long tokples Kandas

³ Uniutra, a tulu nat na ususer detul tama pas o Moses der nam o Elaija der wanpat ra detul wasiso tomo nam o Iesu.

Matiu 17:3 Iomraidhean Croise

Matiu 17:2

Tiro iai, detul tama a pinin o Iesu i wanpat senene. In masarino i sisio elar namin matanas, ma anun a kum malu kai i kabang doko elar nama talapor.

Matiu 17:4

O Pita i watungi tan o Iesu lena, “Labino, i wakak ra dat in kis nin. Ra u nemi, an pam lako tulu turturup, ara anumi, ara anun o Moses, ma ara kai anun o Elaija.”

A Wakak na Wasiso un o Iesu Karisito o Mak i tumusi 9:4

Ma a tulu nat na ususer detul tama pas o Elaija der nam o Moses der wanpat, ra detul wasiso tomo nam o Iesu.

Luk 1:17

In dekdek elar nama poropet Elaija ma a magirano kai in elar ut nami. In mugu tan a Labino, sur in ben tomo melet a kum tamtaman a kum nat torom a kum nutnutun det sur det in emarom melet, ma in ben pas a taro na pitarngat melet sur a wakak na ninunuk anun a kum tokodos na taro, sur in waninar a taro anun a Labino sur anun a inawan pat.”

Luk 16:16

“A kum Warkurai ma a kum etowo anun a kum poropet i tuk taru ut un o Jon. Turpasi una kilalo ra, di warawai nama Wakak na Wasiso una matanitu anun o God ma a taro rop det raras sur det in ruk uni.

Luk 24:27

Turpasi una kum buk anun o Moses ma a kum poropet rop, o Iesu i papalos torom der una kum utna, ra di sa tumus tari uni ut, una Buk Tabu.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Luk 9:33

Aru musano der nem na wan mo gusun o Iesu, ra o Pita i watungi tano lena, “Tene Ususer, i wakak ra dat in kis nin. Metul in pam lako tulu turturup, ara anumi, ara anun o Moses, ma ara kai anun o Elaija”. Ikut o Pita ke tasman asau ra i watungi.

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.