Matiu 17:2 - Nupela Testamen long tokples Kandas

² Tiro iai, detul tama a pinin o Iesu i wanpat senene. In masarino i sisio elar namin matanas, ma anun a kum malu kai i kabang doko elar nama talapor.

Matiu 17:2 Iomraidhean Croise

Matiu 17:1

Numur tan a wonom na bung, o Iesu i ben pas o Pita, o Jems ma o Jon, i ra a tisin o Jems, ra i ben gisen pas detul usapat una tangai ra i tur toto bing.

Matiu 17:3

Uniutra, a tulu nat na ususer detul tama pas o Moses der nam o Elaija der wanpat ra detul wasiso tomo nam o Iesu.

Matiu 28:3

In masarino i talapor elar namin nememe, ma anun in namalu i kabang elar nama busu na top.

A Wakak na Wasiso un o Iesu Karisito o Mak i tumusi 9:3

Anun a kum malu i kabang doko ma i pilpil, ra kataio taginin upiso in gos talapor pas tin namalu lenra.

Luk 9:29

I wararing, ra in masarino i tamtama senene, ma anun a kum malu kai i kabang doko ma i pilpil.

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Wakak na Wasiso un o Iesu Karisito o Jon i tumusi 17:24

“Tita, a nemi sur det ra u sa pitar tar det tang, det in kis tomo nam iau una tamon ra an kis iai, sur det in tama anung a minamar, a minamar ra u pitar tari tang, uni u nem iau numugu ra ko ukisi utmakai a rakrakon bual.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

Tamtama 10:1

Numur a tama ara dekdek na ensel bulung i wan pirso nanan tagisapat una langit. I emar nama bakut, ma in nongogol i kis lao taru netes unin lorino. In masarino i elar namin matanas, ma aru kikino i elar nama sungun ra i kunabor toto elar nama ru pos.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.