Matiu 16:3 - Nupela Testamen long tokples Kandas

³ Ma una kobot mot ser watungi kai lena, ‘Uniri in bato, uni a bakut i sa merek, ma i sa bagubagu rop.’ Mot mananos sur mot in palos a tamtama ina bakut, ikut ka mot mananos sur mot in palos a kukurai ina kum ukinalong tagun uniri.

Matiu 16:3 Iomraidhean Croise

Matiu 11:5

A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

Matiu 15:7

Mot a kum tene torotoro. A wasiso anun o Aisaia i lingmulus ut, ra i wasiso na poropet mugu taru un mot lena,

Matiu 22:18

Ikut, o Iesu i tasmani lena, a nuknukin det i laulau, ra i watungi tandet lena, “Mot a kum tene torotoro, ilai ra mot nemi sur mot in lar iau?

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Matiu 4:23

O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.

Matiu 7:5

Ui a tene torotoro, un los mugu ru a nuduwai pi gusun in matam, ra un tamtama wakak, sur un rakon ru a burbururup gusun in matan o tisim.

Luk 11:44

In laulau doko torom mot, uni mot elar nama kum tung na minat ra katu ukinalong un det, ma a taro det wanan sapat netes un det ma ka det tasmani.”

Luk 12:56

Mot a kum tene torotoro! Mot mananos sur mot in palos a tamtama ina rakrakon bual ma a bakut. Ma pepetlai ra ka mot mananos sur mot in palos a kukurai ina kum utna ra i wanpat una kum bung ri?

Luk 13:15

A Labino i balu i lena, “Mot a kum tene torotoro! Mot rop arara, mot ser palos ru anumot a kum bulumakau ma a kum dongki gusun anundet a kum rumu, ra mot ben pirso det una Bung na Sabat sur det in inum.

Ibru 5:14

Det ra det sa labo, det wan a dekdek na utna na inangon, uni det sa ulason det sur det in tama lele a wakak na petutna ma a sakino.