Matiu 15:14 - Nupela Testamen long tokples Kandas

¹⁴ Mot in madek ru a kum Parisi. Det a kum pulu na mugumugu. Ra tu pulu in ben tu pulu, der rop der in puku dorong un tin nutung.”

Matiu 15:14 Iomraidhean Croise

Luk 6:39

O Iesu i watungi kai a wasiso elelar torom det lenri, “Tu pulu in ben lan taio kai ra i pulu? Pepetlai, der rop ka der in puku dorong un tin nutung?

A Wakak na Wasiso un o Iesu Karisito o Jon i tumusi 9:39

O Iesu i watungi lena, “A wanpat urin una rakrakon bual nama warkurai, sur det ra det pulu det in tamtama, ma det ra det tamtama det in pulu.”

1 Timoti 6:5

A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.

2 Pita 2:1

Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru.

2 Pita 2:17

A kum musano ri, det elar nama kum matmatano danim ra det sa mamaso, ma det elar kai nama gawul ra a labino wuwu i wup ru i. O God i sa waninar tar a nubual sur det una labino dumirum.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.