Matiu 13:44 - Nupela Testamen long tokples Kandas

⁴⁴ “A matanitu tagisapat una langit i elar nama utna ra a matano i ka doko, ra di munu tari una kinobot. Ma ara musano i sio pasi ma i munu melet tari. Ra i wan nama gasgas, ma i siuru rop ru anun a kum utna, ra i kul pas a kinobot ra nami.

Matiu 13:44 Iomraidhean Croise

Matiu 13:24

O Iesu i watung ara wasiso elelar bulung torom det lena, “A matanitu tagisapat una langit i elar nama musano ra i sapro a kum wakak na pitino wit una nun a kinobot.

Matiu 13:46

Ra i sio pas ara wat ra a matano i ka doko, i siuru rop ru anun a kum utna, ma i kul pas a wat ra nami.

Matiu 13:47

“A matanitu tagisapat una langit i elar kai nama uben, ra di woro tari sa utasi, ma a wur ngas na kiripo det iru taru uni.

Matiu 19:21

O Iesu i balu i lena, “Ra u nemi sur un tokodos mulus, un nan ma un siuru ru anum a kum ululeng rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Matiu 19:27

O Pita i balu i lena, “Tama i, met sa wan gusun anumet a kum utna rop, ra met mur ui. Asau ra met in rakoni numur?”

Matiu 19:29

Ma det rop taktakai ra det sa wan gusun anundet a kum rumu, o gusun a kum tistisin det a kum musano ma a kum ino, o gusun a kum tamtaman det, o a kum nanan det, o a kum nutnutun det, o gusun anundet a kum piso, uni det mur iau, din pitar a marmar na utna lenri tandet, ma det in rakoni kai a nilaun tukum.

Matiu 6:21

Uni a nubual ra anum a wakak na ululeng i kis iai, anum a nilaun rop in kis uni.

Luk 14:33

Lenkutkai ra torom mot, ra taio tagun mot ken madek ru anun a kum utna rop, i awu sur anung a nat na ususer.

A Wakak na Wasiso un o Iesu Karisito o Jon i tumusi 6:35

O Iesu i balu det lena, “Iau ut a beret na nilaun. Osi ra in nan torom iau ken murak, ma osi ra in nurnur un iau ken muruk melet mo.

A Pas anun o Pol torom a taro Rom 15:4

Uni a kum wasiso rop ra di sa tumus tari numugu utmakai una Buk Tabu, di tumus tari sur in ususer dat, sur dat in tur dekdek una anundat a nurnur, ma in warut dat kai, sur dat in kis langlang nama nurnur sur a kum utna o God in pami numur.

Kolosi 2:3

A mananos rop, ma a wakak na ninunuk rop, det elar nama kum wakak na ululeng, ra det kis eno un o Karisito.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

Tamtama 3:18

A warut mot nama kum nuknuk ri: Mot in kul a gol tang, ra di sa tun talapor tari una sungun, sur mot in tene ululeng. Ma mot in kuli kai in kabang na malu ma mot in pipisi, sur mot in pipis bat a mengere ra mot ser maimai nami. Ma mot in kul a marasin, ma mot in ubeki umatamot, sur mot in tamtama.