Matiu 13:42 - Nupela Testamen long tokples Kandas

⁴² Ma det in woro det una labino sungun. Det in tangtangis ma det in ungingit lokondet iai.

Matiu 13:42 Iomraidhean Croise

Matiu 13:50

Ra det in woro ru a kum tene sakino una labino sungun. Det in tangtangis ma det in ungingit lokondet iai.

Matiu 22:13

Ra a king i watungi tan anun a kum tultul lena, ‘Mot in ker pas aru kikino ma aru lamano ma mot in woro pirso ru i unago utamon una dumirum. Tiro iai di tangtangis ma di ungingit lokondi iai.’

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 3:12

I pam pas anun a pok nam aru lamano sur in lakro susuaro a pino wit gusun a wino wit. Numur in ubek tomo anun a wino wit una nun a rumu na wit, ikut in tun ru a kum pinino una sungun ra ke ser mat.”

Matiu 8:12

Ikut, a taro Israel ra numugu o God i pilok pas det sur det in kis una nun a matanitu, in lu pirso ru a susut tagun det utiro una dumirum. Ra det in tangtangis ma det in ungingit lokondet iai.”

Luk 13:28

Ra mot in tama o Abaram, o Aisak ma o Jekop ma a kum poropet rop una matanitu anun o God, mot in tangtangis, ma mot in ungingit lokomot iai. Ikut din lu pirso ru mot.

Tamtama 14:10

i kai in inum tagun a wain na kankan anun o God. A wain ri di sa waninar tari, a inaimino i dekdek doko, ma di lingisi una kap na kankan anun o God. Din ukadiki nama sungun ma a salfa, numugu tan a Barman na Sipsip ma a kum ensel anun o God.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 9:2

Ra i papos in labino tung ra, in nimis i tur pat taguni, elar namin nimis tagun a labino sungun ra i karangop doko. Ma in matanas ma a bakut i dumirum namin nimis tagun in labino tung ra.