Matiu 13:25 - Nupela Testamen long tokples Kandas

²⁵ Ra a taro det inep, anun a ebar i wanpat ra i sapro tar a kum pitino karapa ubalan a kum wit, ra i wan.

Matiu 13:25 Iomraidhean Croise

Matiu 13:24

O Iesu i watung ara wasiso elelar bulung torom det lena, “A matanitu tagisapat una langit i elar nama musano ra i sapro a kum wakak na pitino wit una nun a kinobot.

Matiu 13:26

A pitino wit i lubung pat ma i ling na wu, ra di tama i utkai a karapa i lubung ubalano.

Matiu 13:27

A kum tultul anun a taman a kinobot det wan toromi, ma det watungi tano lena, ‘Labino, pepetlai, a kum wakak na pitino wit rop kut, ra u sapro tari una num a kinobot? Tagai kai a kum karapa?’

Matiu 13:29

I turbat det lena, ‘Gong munung, sako mot in gat tomo ru i nama kum wit.

Matiu 13:30

Madek ru i, det in lubung tomo tuk una kalang na pasong. Una bung ra, an watungi tan a kum tene pasong lena: Mot in rakon mugu ru a kum karapa, mot in ker tomo tar a kum kimkibino sur din tun ru det una sungun. Ra numur mot in los tomo i bulung a kum wit una nung a rumu na ululeng.’”

Matiu 13:39

ma a ebar ra i sapro det, i o Satan. A kalang na pasong, i a ururop ina rakrakon bual, ma a kum tene pasong, a kum ensel.

Matiu 25:5

A musano ra i nolin matok ke wanpat lakit, ra a matandet i sunu, ma det inep dumun rop.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Ibru 12:15

Mot in tumarong, sako taio ken los a marmaris anun o God. Ma mot in tumarong, sako taio in elar namin mapak na wakakor na duwai ra in lubung pat ma in pitar a mamaut torom mot, ma in ban udur pas lako susut.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

2 Pita 2:1

Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 2:20

Ikut, a takun mot una utna ri: Ka mot lu ru o Jesabel, a ino ra i watungi lena i a poropet. I ususer raro anung a kum tultul, sur det in pam a kum pamuk na petutna ma sur det in nan a utna ra di sa etabor taru nami torom a kum torotoro na god.