Matiu 13:21 - Nupela Testamen long tokples Kandas

²¹ Ikut a wasiso ke kis unin balano, ma a musano ra ken tur suano i, elar namin wit ra kalako wakakorino. I turpasi i wakak, ikut in puku lakit una du bung ra a kum mamaut in nanpat, ma din ban laulau i, uni i nurnur una wasiso anun o God.

Matiu 13:21 Iomraidhean Croise

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 11:6

Osi ra i tama a kum utna ri a pami, ma anun a nurnur ke puku, i sa dan.”

Matiu 13:20

Ma a kum pitino ra det puku una nubual na watat, det elar nama musano ra i longoro a wasiso, ra uniutra, i pam ukai i nama gasgas.

Matiu 13:57

Ra ka det nemi ut mo. Ra o Iesu i watungi tandet lena, “Di ser ru a poropet una kum se tamon, ikut det ut una nun a tamon ma anun a rumu ka det ru i.”

Matiu 13:6

Ikut ra a suan i sisio pat, i rang det ra det main ma det marang rop, uni kalako wakakorin det.

Matiu 24:13

Ikut osi ra in tur dekdek tuk anun a nilaun in rop, o God in ulauni.

Matiu 26:31

O Iesu i watungi tandet lena, “Miri umirum, mot rop mot in nan pas kut gusun iau, i kibino una kum utna ra in nanpat un iau. Elar nami ra di sa tumus tari una Buk Tabu lena, O God i watungi lena, ‘An um a tene tamtamabat anun a kum sipsip, ra a kum sipsip det in kalabor susuaro.’ Sek 13:7

Matiu 26:33

O Pita i watungi tano lena, “Ra det rop det in nan pas gusun ui, ikut iau awu.”

A Wakak na Wasiso un o Iesu Karisito o Mak i tumusi 4:17

Ikut a wasiso anun o God ke kis ubalandet, ra ka det in tur suano i, elar nama wit ra kalako wakakorin det. Det turpasi det wakak, ikut det in puku lakit una du bung ra a kum mamaut in nanpat, ma din ban laulau det, uni det nurnur una wasiso anun o God.

Luk 8:13

Ra a kum pitino ra det puku una nubual na watat, det elar nama taro ra det longoro a wasiso, ra det pam ukai i nama gasgas. Ikut kalako wakakorin det, anundet a nurnur ke tur suano i. Ra a kum larlar i wanpat torom det, det puku.

A Wakak na Wasiso un o Iesu Karisito o Jon i tumusi 6:26

O Iesu i balu det lena, “A inanos mot nama lingmulus, awu sur mot sisio sur iau uni mot tama a kum ukinalong ra a pami, awu. Mot sisio kut sur iau uni mot wan a beret ma mot masur nami.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Galesia 6:12

A taro ra det ungongos pas mot sur din tok talilis mot, det pami kut uni det nem na ulabo pas det umatan a taro. Det pami lenra uni det ngara. Uni det nuki lena, ra det in warawai una nurnur unin nanai kutus anun o Karisito, din ukadik det.

Galesia 6:15

Ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit, dat a matok na ukukis anun o God.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Pilipai 1:6

A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.

2 Timoti 1:15

U tasmani lena a taro rop, ra det kis una papor Asia, det sa wan pas gusun iau. O Pigelus ma o Emogenes aru tagun det.

2 Timoti 4:10

uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

Jems 3:2

Dat rop dat raro una susut na utna. Ikut, ra taio ke raro un tu utna una nun a wasiso, i ra i tokodos sakit, ma in pet lar pasi sur in ukodos pas anun a nilaun rop.

1 Pita 1:5

Ra i tamtamabat mot nama dekdekino, uni mot nurnur uni. In tamtamabat mot tuk una ururop na bung ra in ulaun mot. Ma anun a pinapam na ulaun a taro, i sa waninar tari sur in upuaso i.

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.