Matiu 11:5 - Nupela Testamen long tokples Kandas

⁵ A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

Matiu 11:5 Iomraidhean Croise

Matiu 10:8

Mot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut.

Matiu 11:4

Ra o Iesu i balu det lena, “Mot in milet melet, ma mot in inanos o Jon una sau ri mot sa longoro i ma mot sa tama tari:

Matiu 12:13

Ra i inanos a musano lena, “Kodos a lamam.” I kodosi, ra a lamano i tokodos melet, elar nam ara lamano ra i wakak.

Matiu 21:14

A kum pulu ma det ra a kikindet i mat det wan toromi ubalan in noworo ina rumu na etabor ma i ulangolango pas det.

Matiu 5:3

“Det ra det tasmani lena det sibo una niondet, det dan, uni anundet a matanitu tagisapat una langit.

Matiu 9:30

Uniutra der tamtama. Ra o Iesu i sakbat dekdek tar der lena, “Gong mur inanos tar taio nami.”

A Wakak na Wasiso un o Iesu Karisito o Mak i tumusi 7:37

Det ra det longoro a utna ri, det kisin doko uni, ma det watungi lena, “O Iesu i pam wakak pas a kum utna rop. I uwakak pas a kum kutkut sur det in longoro, ma a kum ngat sur det in wasiso!”

A Wakak na Wasiso un o Iesu Karisito o Mak i tumusi 9:25

O Iesu i tama a kunur na taro ra det kalabor tomo torom det, ra i wasiso dekdek torom a laulau na nion lena, “Ui a laulau na nion, u ngat ma u kutkut. A sakbat ui, un pirso gusun a natlik, ma gong melet mo u sisiop uni.”

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

A Wakak na Wasiso un o Iesu Karisito o Jon i tumusi 10:25

Ra o Iesu i balu det lena, “A sa watung tari tamot, ikut ka mot nurnur. A kum pinapam ra a pami una risan o Tita, det wasiso talapor un iau.

A Wakak na Wasiso un o Iesu Karisito o Jon i tumusi 10:38

Uniri a pami ut anun a kum pinapam. Ikut ra ka mot nurnur una nung a wasiso, mot in nurnur un iau kibino una kum pinapam a pami, sur mot in tasmani lena o Tita kuri un iau, ma iau kura un o Tita.”

A Wakak na Wasiso un o Iesu Karisito o Jon i tumusi 2:23

O Iesu i kis sapat o Jerusalem una labino bung na lotu na Wanlakai, ra a susut na taro det tama a kum ukinalong ra i pami, ma det nurnur una risano.

A Wakak na Wasiso un o Iesu Karisito o Jon i tumusi 3:2

I wan torom o Iesu una ra bung na mirum ma i watungi tano lena, “Tene ususer, met tasman ui ra ui a tene ususer, ra o God i tulu ru ui. Katu musano in pam lar pas a kum ukinalong ra u ser pami, ra o God ke kis tomo nami.”

A Wakak na Wasiso un o Iesu Karisito o Jon i tumusi 5:36

“Ikut an inanos mot una wasiso talapor un iau, ra i labo taun a wasiso talapor anun o Jon un iau. A kum pinapam ra a ser pami, det wasiso talapor un iau lena, o Tita i tulu ru iau urin. O Tita i pitar tar a kum pinapam ra tang, sur an pami.

A Wakak na Wasiso un o Iesu Karisito o Jon i tumusi 9:7

O Iesu i watungi tano lena, “Un nan, ma un gos pas arin matam una kabopolo Siloam.” (Siloam a kukuraino “di tulu i.”) I wan, ra i gos pas arin matano. Ra i milet, arin matano der sa tamtama.

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.