Matiu 11:2 - Nupela Testamen long tokples Kandas

² O Jon i kis una karabus ma i longoro a kum pinapam anun o Karisito. Ra i tulu ru anun a kum nat na ususer sur det in tingi lena,

Matiu 11:2 Iomraidhean Croise

Matiu 1:17

A kum taun taro turpasi tagun o Abaram tuk un o Dewid i elar nama noino ma a wat det, ma tagun o Dewid tuk una inawan na karabus tong o Babilon, a noino ma a wat kai det, ma tagun a inawan na karabus tong o Babilon tuk un o Karisito, a noino ma a wat na taun taro kai.

Matiu 14:3

Numugu o Erod i tulu ru anun a kum tene inaim sur det in dat pas o Jon. Ra det sa dat pasi, det ker pasi, ma det uruk tari una karabus. O Erod i pami lenri, uni o Jon i inanosi lena, “Ke tokodos ra u nolin nam o Erodias, a urim.” I watungi lenri, uni o Erod i sa sal pas o Erodias, a ino anun o tisino, o Pilip, ra i nolin nami.

Matiu 4:12

O Iesu i longoro i lena, di sa uruk tar o Jon una karabus, ra i milet melet utong una papor Galili.

Matiu 9:14

A kum nat na ususer anun o Jon det wan torom o Iesu, ra det tingi lena, “Sur asau ra met ma a kum Parisi met wewel, ikut anum a kum nat na ususer awu?”

A Wakak na Wasiso un o Iesu Karisito o Mak i tumusi 6:17

Numugu o Erod i tulu ru anun a kum tene inaim sur det in dat pas o Jon. Ra det sa dat pasi, det ker pasi, ma det uruk tari una karabus. O Erod i pami lenri, uni o Jon i inanosi lena, “Ke tokodos ra u nolin nam o Erodias, a urim.” I watungi lenri, uni o Erod i sa sal pas o Erodias, a ino anun o tisino, o Pilip, ra i nolin nami.

Luk 3:19

Ma o Jon i wasiso dekdek torom o Erod a mugumugu, uni i nolin melet nam o Erodias, a ino anun o tisino. Ma i wasiso dekdek una kum sakino utna rop kai ra o Erod i sa pam tari.

Luk 9:7

O Erod a mugumugu tagun a gapman i longoro a kum utna ri i wanpat, ra i talara a nuknukino uni, uni ara taro det watungi lena o Jon i sa laun melet gusun a minat.

A Wakak na Wasiso un o Iesu Karisito o Jon i tumusi 4:1

A kum Parisi det longoro i lena o Iesu i ben pas a susut na taro na ususer, ra det susut taun a taro na ususer anun o Jon, ma i baptaiso det.