Matiu 10:2 - Nupela Testamen long tokples Kandas

² Iri a kum risan a noino ma aru aposel: A mugano, o Saimon ara risano kai o Pita, dersino nam o Endru, o Jems ma o Jon dersino, aru nutnutun o Sebedi,

Matiu 10:2 Iomraidhean Croise

Matiu 17:1

Numur tan a wonom na bung, o Iesu i ben pas o Pita, o Jems ma o Jon, i ra a tisin o Jems, ra i ben gisen pas detul usapat una tangai ra i tur toto bing.

Matiu 20:20

Numur o nan aru nutnutun o Sebedi i wan torom o Iesu nam aru nutnutunu. I kis butkeke umatano ma i saringi sur in mur anun a nemnem.

Matiu 26:37

Ra i ben pas o Pita tomo nama ru nutnutun o Sebedi. Una du bung ut ra, i tupunuk ma i maut doko a nuknukino.

Matiu 4:18

Ara bung o Iesu i usal una usalin ina du tasi Galili, ra i tama pas o Saimon, di watungi kai nam o Pita, ma o tisino o Endru. Der woro a uben sa utasi, uni der aru tene woro uben.

Matiu 4:21

Ra i wan tagitiro, i tama pas o Jems dersino nam o Jon, aru nutnutun o Sebedi. Detul tamano kis taru una pot ma detul mabon anundetul a kum uben. Ra o Iesu i kabo der.

A Wakak na Wasiso un o Iesu Karisito o Mak i tumusi 1:29

O Iesu tomo nama nun a kum nat na ususer, det pirso gusun a rumu na lotu. Uniutra, det wan tomo nam o Jems ma o Jon ra det wan utiro una rumu anun o Saimon der nam o Endru.

A Wakak na Wasiso un o Iesu Karisito o Mak i tumusi 13:3

O Iesu i kis sapat netes una Tangai na Oliw una papor ra i tamtama lakai sur a rumu na etabor. O Pita, Jems, Jon ma o Endru det ting eno i lena,

A Wakak na Wasiso un o Iesu Karisito o Mak i tumusi 6:30

A kum aposel det kis tomo nam o Iesu, ra det inanosi una kum utna rop ra det sa pam tari, ma det sa ususer tar a taro kai nami.

Luk 11:49

I mo ri a kibino, o God ra i mananos doko i watungi lena, ‘An tulu ru a kum poropet ma a kum aposel torom a taro. A taro det in um doko lako taro tagun det, ma det in ukadik lako taro kai tagun det.’

Luk 22:14

Ra a du bung i sa sot, o Iesu ma a kum aposel det kis una inangon.

Luk 22:8

Ra o Iesu i tulu ru o Pita ma o Jon, ma i watungi tander lena, “Mur in nan ma mur in waninar andat a utna sur a labino bung na lotu na Wanlakai.”

Luk 9:10

A kum aposel det milet melet, ra det inanos o Iesu una kum utna ra det sa pam tari. I ben pas det kut, ra det wan gisen sur a tamon a risano o Betsaida.

A Wakak na Wasiso un o Iesu Karisito o Jon i tumusi 12:22

O Pilip i wan ra i inanos o Endru. Ra der wan ma der inanos tar o Iesu.

A Wakak na Wasiso un o Iesu Karisito o Jon i tumusi 13:23

Ara nat na ususer i kis milau o Iesu. A nat na ususer ri, o Iesu i ser nem doko i.

A Wakak na Wasiso un o Iesu Karisito o Jon i tumusi 20:2

I kalabor torom o Saimon Pita der nama nat na ususer ra o Iesu i ser nem doko i, ma i watungi tander lena, “Di sa los ru pas a Labino gusun a kulam na minat, ma ka met tasmani, ra kura di inep tari awai.”

A Wakak na Wasiso un o Iesu Karisito o Jon i tumusi 21:2

I lenri: Ara bung o Saimon Pita ma o Tomas, ra di watungi kai nama kasango, ma o Natanael a te Kana tagun a papor Galili, ma aru nutun o Sebedi, ma aru kai tagun a kum nat na ususer, det kis tomo.

A Wakak na Wasiso un o Iesu Karisito o Jon i tumusi 21:20

O Pita i ger ma i tama a nat na ususer ra o Iesu i ser nem doko i, kura i mur der. A nat na ususer ra, i ra i ere torom o Iesu una nundet a ururop na inangon, ra i ting o Iesu lena, “Labino, osi ra in usobor tar ui?”

A Wakak na Wasiso un o Iesu Karisito o Jon i tumusi 21:24

A nat na ususer ri, i ra i wasiso puaso una kum utna ri, ma i tumus ukai i. Ma dat tasmani lena a kum utna ri i wasiso puaso uni, i lingmulus sakit.

A Wakak na Wasiso un o Iesu Karisito o Jon i tumusi 6:67

O Iesu i watungi tan anun a noino ma aru nat na ususer lena, “Pepetlai, mot kai, mot nemi sur mot in milet mo gusun iau?”

A Wakak na Wasiso un o Iesu Karisito o Jon i tumusi 6:70

O Iesu i watungi tandet lena, “A sa pilok pas mot, a noino ma aru, niko? Ikut ara tagun mot, i a turangon kut!”

A Wakak na Wasiso un o Iesu Karisito o Jon i tumusi 6:71

I wasiso un o Judas, a nutun o Saimon Iskariot, ara tagun a noino ma aru nat na ususer, ra numur in usobor tar o Iesu.

A Wakak na Wasiso un o Iesu Karisito o Jon i tumusi 6:8

Ara melet tagun anun a kum nat na ususer a risano o Endru, a tisin o Saimon Pita, i watungi tan o Iesu lena,

Aposel 1:13

Ra det wanpat sapat o Jerusalem, det ruk una rumu ma det kis una kukur rumu sapat netes. A kukur rumu ra det ininep ma det kiskis uni. Det ri, ra det kiskis tomo tiro iai: O Pita, o Jon, o Jems, o Endru, o Pilip, o Tomas, o Batolomiu, o Matiu, o Jems a nutun o Alpius, o Saimon ara tagun a kum Silot, ma o Judas, a nutun ara Jems gisen.

Aposel 1:26

Det pam a pinapam na pipilok nama ru wat, ra a wat anun o Matias i wanpat. Ra det luk tomo pasi nama noino ma ra aposel.

Aposel 12:2

I itula sur din tau doko o Jems, a tisin o Jon, namin totok na inaim.

Aposel 3:1

Ara bung o Pita ma o Jon der wan usapat una rumu na etabor, una du bung na niaring, una tulu pakano bung una lirop.

1 Korin 15:7

Ra numur i wanpat torom o Jems, ma numur torom a kum aposel rop.

Epeses 4:11

I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer,

Ibru 3:1

I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni.

1 Pita 1:1

Iau o Pita, a aposel anun o Iesu Karisito, a tumtumus torom mot ra o God i sa pilok pas mot, ma mot kis sarara elar nama kum usiro una kum papor Pontus, Galesia, Kapadosia, Asia ma o Bitinia.

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.

2 Jon 1:1

Iau o Jon, ara mugumugu, a tumtumus torom ui, a ino ra o God i sa pilok pas ui, tomo nama kum nutnutum, ra a nem mulus mot. Awu sur iau kut, met rop kai ra met tasman a lingmulusino met nem mot.

3 Jon 1:1

Iau, o Jon, a mugumugu, a tumtumus torom ui, a wakak na pasang o Gaius, ra a nem mulus ui.

Tamtama 1:1

A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Tamtama 18:20

Mot sapat una langit, mot in gas uni! A taro anun o God ma a kum aposel ma a kum poropet, mot in gas! O God i sa pitar tar a warkurai na minabalu toromi una kum petutna ra i pam tari un mot.’”

Tamtama 22:8

Iau o Jon, a sa longoro tar a kum utna ri, ma a sa tama tari. Ra a sa longoro tari, ma a sa tama tari, a puku pirso nama urur nisan aru kikin a ensel sur an lotu toromi, a ensel ra i ese tar a kum utna ri tang.