Matiu 10:19 - Nupela Testamen long tokples Kandas

¹⁹ Ra din dat pas mot, gong mot nuknuk bing sur asau ra mot in watungi, ma mot in wasiso pepetlai, uni una du bung ut ra, o God in unuk tar mot nama wasiso ra mot in watungi.

Matiu 10:19 Iomraidhean Croise

Matiu 10:18

Ma din dat pas mot sur a warkurai sa numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det ma torom a taro ra awu sur a taro Juda.

Matiu 6:25

“I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko?

Matiu 6:31

Gong mot nuknuk doko ma mot watungi lena, ‘Asau ra dat in nani?’, o ‘Asau ra dat in inumi?’, o ‘Asau ra dat in emar nami?’

Matiu 6:34

I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”

Luk 12:11

Ra din dat pas mot sur a warkurai una kum rumu na lotu, ma umatan a kum tene warkurai ma a kum mugumugu, gong mot nuknuk bing sur asau ra mot in balu lako kum etakun nami, o asau ra mot in watungi.

Luk 12:12

Uni una du bung ut ra, a Tokodos na Nion ut in ususer mot un asau ra mot in watungi.”

Aposel 6:10

Det lagano balubalu tar anun a wasiso, uni a Tokodos na Nion ut i pitar a mananos tano.

Pilipai 4:6

Gong mot nuknuk doko sur tu utna. Una kum utna rop, mot in wararing nama niaring na watung wakak torom o God. Ma mot in inanosi una numot a kum nemnem.

2 Timoti 4:17

Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.

Jems 1:5

Ra taio tagun mot i sibo sur a mananos, in saring o God suri. Ra o God in tabori nami, uni i ser tabor dat rop, ma ke ser bitan tu utna. Ma ke ser kankan torom taio ra i sasaring.