Luk 9:44 - Nupela Testamen long tokples Kandas

⁴⁴ “Mot in longoro wakak a wasiso ri: Din pitar a Nutun a Musano ulaman a taro.”

Luk 9:44 Iomraidhean Croise

Matiu 16:21

Turpasi una bung ra, o Iesu i utalapor anun a kum nat na ususer lena, in nan ut usapat o Jerusalem. Ra in taramo a susut na mamaut ulaman a kum mugumugu, a kum lamlabino tene etabor torom o God, ma a kum tene ususer tagun a Warkurai, ma din um doko i. Ra a tulu bung in rop in katutur melet.

Matiu 26:2

“Mot tasmani ut, ra aru bung in rop, din turpas a labino bung na lotu na Wanlakai, ra din pitar tar a Nutun a Musano sur din sak wati unin nanai kutus.”

A Wakak na Wasiso un o Iesu Karisito o Mak i tumusi 8:31

O Iesu i turpasi sur in towo anun a kum nat na ususer lena, “A Nutun a Musano in taramo a susut na mamaut. A kum mugumugu, a kum lamlabino tene etabor torom o God, ma a kum tene ususer tagun a Warkurai det in rosumur gusuni ma din um doko i. Ra a tulu bung in rop, in katutur melet.”

A Wakak na Wasiso un o Iesu Karisito o Mak i tumusi 9:31

uni i nemi sur in ususer anun a kum nat na ususer. Ra i watungi tandet lena, “Din pitar a Nutun a Musano ulaman a taro, ma det in um doko i. Numur tan a tulu bung, in laun melet.”

Luk 1:66

Det rop ra det longoro i, det nuknuk doko uni, ma det watungi lena, “A nat ri in nanpat asi na ngas na musano?” Uni det tama i lena a dekdekin a Labino i kis uni.

Luk 18:31

O Iesu i ben gisen pas anun a noino ma aru nat na ususer, ra i watungi tandet lena, “Tama i, iri dat wan nanan usapat o Jerusalem, ma din pam sot pas a kum utna rop ra a kum poropet det sa tumus tari una Nutun a Musano.

Luk 2:19

Ra o Maria i longoro a kum wasiso ri, i pam ukai i unin balano ma i nuknuk doko uni.

Luk 2:51

Numur detul milet melet utong o Nasaret, ra i ser mur a wasiso anunder, ma o nano i nuk ukai a kum utna rop ri.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Luk 9:22

O Iesu i watungi lena, “A Nutun a Musano in taramo a susut na mamaut. A kum mugumugu, a kum lamlabino tene etabor torom o God, ma a kum tene ususer tagun a Warkurai det in rosumur gusuni ma din um doko i. Ra a tulu bung in rop, in katutur melet.”

A Wakak na Wasiso un o Iesu Karisito o Jon i tumusi 16:31

O Iesu i watungi tandet lena, “I lai, mot nurnur maragom?

A Wakak na Wasiso un o Iesu Karisito o Jon i tumusi 16:4

A sa watung tar a kum wasiso ri tamot, sur ra a du bung ra in nanpat, mot in tasmani lena a sa utumarong mugu tar mot uni. “Ka watung a kum wasiso ri tamot una turturkibin ina nung a pinapam, uni a kis utmakai tomo nam mot.

A Wakak na Wasiso un o Iesu Karisito o Jon i tumusi 19:11

O Iesu i balu o Pailat lena, “Ra gunuk o God ken pitar tar a warkurai tam, kalako dekdekim sur un pam tu utna un iau. I mo ra o naro ra i pitar tar iau torom ui sur un warkurai iau, anun a sakino i labo taun anum a sakino.”

Aposel 2:23

Di pitar tar o Iesu torom mot, elar nami ra o God i sa tasman mugu tari, una nuknukino. Ra mot tomo nama kum sakino taro, mot sak wati unin nanai kutus.

Ibru 2:1

I mo ra i wakak sur dat in mur a kum etowo ra dat sa longoro tari. Dat in mur a kum etowo ra, sur gong dat wan gisen gusuni.