Luk 8:46 - Nupela Testamen long tokples Kandas

⁴⁶ Ikut o Iesu i watungi lena, “Ara pasandet i sa tulan tar iau, uni a tasmani lena, a dekdek i sa wan gusun iau.”

Luk 8:46 Iomraidhean Croise

Luk 5:17

Ara bung ra o Iesu i ususer a taro, a kum Parisi ma a kum tene ususer tagun a Warkurai, kura det kis tomo nami. Det wanpat tagun a kum tamon rop una papor Galili ma una papor Judia, ma tagisapat o Jerusalem kai. Ma a dekdekin a Labino i kis un o Iesu sur in ulangolango a kum misait.

Luk 6:19

Ra a taro rop, det nemi sur det in pam a pinin o Iesu, uni a dekdek i pirso gusuni, ma i ulangolango pas det rop.

Luk 8:47

A ino i tasmani lena di sa sio pasi, ra i neneder pat, i wan ma i puku sa numugu tan o Iesu. Umatan a kunur na taro rop, i inanos o Iesu una kibino ra i tulan tari, ma i inanosi kai lena uniutra i langolango.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.