Luk 7:6 - Nupela Testamen long tokples Kandas

⁶ Ra o Iesu i wan tomo nam det. Det sa milau a rumu, ra a mugumugu anun a kum tene inaim i tulu ru a ramano kum paspasano torom o Iesu nama wasiso lena, “Labino, gong a utikidis ui, uni ka tokodos sur un ruk una nung a rumu.

Luk 7:6 Iomraidhean Croise

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

A Wakak na Wasiso un o Iesu Karisito o Mak i tumusi 5:24

Ra o Iesu i wan tomo nami, a kunur na taro det muri, ma det bukus talilis pasi.

Luk 5:8

O Saimon ma det ra det wan tomo nami det kisin una kum kiripo ra det dat pasi, lenkutkai ra torom aru paspasano, Jems ma o Jon, aru nutun o Sebedi. Ra o Saimon Pita i tama a utna ri, i puku nama urur tiro na kikin o Iesu ra i watungi tano lena, “Labino, wan gusun iau, iau a tene sakino.” O Iesu i balu i lena, “Gong u ngara. Turpasi uniri, un tene ben taro.”

Luk 7:4

Ra det wanpat torom o Iesu, det saring dekdeki lena, “A musano ra, a wakak na musano, i wakak ra un longoro i,

Luk 7:5

uni i maris dat a taro Juda, ma i kul tar anundat a rumu na lotu.”

Luk 7:7

Ka nuki kai lena a tokodos sur an nan torom ui. Ikut, un watung tu wasiso kut, ra anung a tultul in langolango.

Luk 8:49

Ra o Iesu i wasiso utmakai, ara i wan tagitiro una rumu anun o Jairus, a mugumugu tagun a rumu na lotu, ra i watungi tan o Jairus lena, “O nutumlik i sa mat. Gong mo u ubalon a tene ususer.”

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Jems 4:10

Mot in unatino pas mot umatan a Labino, ra in ulabo pas mot.

Jems 4:6

Ra a marmaris ra o God i pitar tari tandat i labo sakit. A Buk Tabu i watungi lenri, “O God i nget det ra det ser ulabo pas det, ikut i maris det ra det ser unatino pas det.” Snd 3:34