Luk 7:39 - Nupela Testamen long tokples Kandas

³⁹ A Parisi ra i ben pas o Iesu i tama a utna ri, i nuki lena, “Ra a musano ri a poropet mulus, in tasman a ino ri ra i pam aru kikino, ma in tasmani kai a magirano, lena i a sakino ino.”

Luk 7:39 Iomraidhean Croise

Matiu 20:16

I lenri, det ra det mur uniri, numur det in mugu, ma det ra det mugu uniri, numur det in mur.”

Matiu 21:11

Ra a taro ra det wan tomo nami, det watungi lena, “A musano ri i o Iesu, a poropet tagitong o Nasaret una papor Galili.”

A Wakak na Wasiso un o Iesu Karisito o Mak i tumusi 7:21

Iri a kum utna ra i ser wanpat tagun a nuknukin a taro: a kum sakino nuknuk, a kum petutna na pamuk, a wolong, a petutna ra di um doko a taro, a petutna ra di pam a sakino nam tu ino anun taio o nam tu musano anun taio,

Luk 12:17

Ma i nuknuk lena, ‘Asau an pami? Uni katu rumu ra an ubek a win anung a kinobot uni.’

Luk 15:2

Ikut a kum Parisi ma a kum tene ususer tagun a Warkurai det ururai un o Iesu lena, “A musano ri, i lason kut tomo nama kum tene sakino, ma i wangon tomo nam det.”

Luk 16:3

Ra a tene tamtamabat ra i nuki lena, ‘Asau mo ra an pami uniri, ra anung a mugumugu in rakon ru iau gusun a pinapam ri? Kalako dekdeking sur an kikil, ma an maimai kut kai ra an saring utna.

Luk 18:4

I sa suano i ma ke mulaot tano, ra numur i nuki lena, ‘A lingmulus, ka ngara sur o God, ma ka ser nuk pas a taro,

Luk 3:8

Mot in pam a kum utna ra in upuaso i lena mot sa nukpukus. Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.

Luk 7:16

A taro rop det kisin ma det ngara, ma det watung ulabo pas o God, ma det watungi lena, “A labino poropet i sa wanpat epotor tandat. O God i sa wanpat sur in warut dat, anun a taro.”

Luk 7:37

Ma ara ino tagitiro una tamon ra, a tene sakino. Ra i sa tasmani lena, o Iesu kura i wangon una rumu anun a Parisi, i ruk namin nopolo sangsangnain ra kura unin nokoto ra di pami nama wat.

Luk 7:38

Ma i tur taru numur tan o Iesu, nisan aru kikino. I tangis, ra a lurlur na matano i puku una ru kikin o Iesu, ma i wus der nama iwu na lorino, i gom der, ma i lingis in nopolo sangsangnain un der.

Luk 7:40

O Iesu i watungi tano lena, “Saimon, a nem na watung ara utna tam.” Ma i balu i lena, “Tene Ususer, un watungi kut.”

A Wakak na Wasiso un o Iesu Karisito o Jon i tumusi 4:19

A ino i balu i lena, “Labino, uniri, a tasmani lena ui a poropet.

A Wakak na Wasiso un o Iesu Karisito o Jon i tumusi 7:12

A susut na taro det wasiso eno un o Iesu. Ara taro det watungi uni lena, “I ara wakak na musano,” ma ara taro kai det watungi lena, “Awu, i ben raro a taro.”

A Wakak na Wasiso un o Iesu Karisito o Jon i tumusi 9:24

Det ben melet pas a musano ra di usus pasi, i sa pulu, ma det watungi tano lena, “Un liliman umatan o God ra anum a wasiso i lingmulus ut! Met tasmani lena a musano ra i utamtama pas ui, a tene sakino.”