Luk 7:30 - Nupela Testamen long tokples Kandas

³⁰ Ikut a kum Parisi ma a kum tene ususer tagun a Warkurai det rosumur gusun a kisapi ra o God i pitari torom det, uni ka det los a baptais anun o Jon.

Luk 7:30 Iomraidhean Croise

Matiu 22:35

Ma ara pasandet, a tene mananos tagun a Warkurai, i lari nama iting lena,

Luk 13:34

“Jerusalem, Jerusalem, ui ra u ser um doko a kum poropet, ma det ra di tulu ru det torom ui, u duku doko ru det kut nama watat. A susut na dino a nem na ben tomo a kum nutnutum, elar nama kereke ra i rakup bat tomo a kum nutnutunu utuntudu ina ru mebene, ikut ka mot nemi.

Luk 20:6

Ikut ra dat in watungi lena, ‘Tan a taro,’ a taro rop det in duku doko dat, uni det nurnur un o Jon lena i a poropet.”

Luk 7:31

Ma o Iesu i watungi lena, “An elaro a taro tagun uniri nama sau? Det elar nama sau?

Aposel 20:27

Uni ka ngara ma ka munu tu utna una nuknukin o God. A sa watung rop tari torom mot.

A Pas anun o Pol torom a taro Rom 10:21

Ikut, una taro Israel, o Aisaia i watung a wasiso anun o God, lenri, “A kum bung rop a ser kakabo na marmaris sur det, a kum tene pitarngat, ma a kum tene rosumur.” Ais 65:2

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Galesia 2:21

A marmaris anun o God torom iau i labo doko, ma kan madek oros ru i kut. Ra gunuk o God in watung taio a tene tokodos, uni i mur a Warkurai, o Karisito i mat oros kut.”

Epeses 1:11

A kum utna rop ra o God i ser pami, i pami elar ut nam anun a nemnem ma a nuknukino. Numugu utmakai i pilok pas met a taro Juda, sur met tagun o Karisito, elar ut nam anun a nemnem.