Luk 7:29 - Nupela Testamen long tokples Kandas

²⁹ Ra a taro rop det longoro i, ma a kum tene los takis kai, det mulaot una tokodos na kisapi anun o God, uni det sa los pas a baptais anun o Jon.

Luk 7:29 Iomraidhean Croise

Matiu 5:46

Ra mot nem det kut ra det nem mot, asau mo anumot a ikul? A kum tene los takis, ra ka det lason una marmaris det kai det ser pami lenra.

Luk 20:6

Ikut ra dat in watungi lena, ‘Tan a taro,’ a taro rop det in duku doko dat, uni det nurnur un o Jon lena i a poropet.”

Luk 3:12

Ma a ramano kum tene los takis det wanpat sur in baptaiso det. Ma det tingi lena, “Tene Ususer, asau ra met in pami?”

Luk 7:28

A watungi tamot, o Jon i labo sakit taun a taro rop taginin upiso. Ikut osi ra i natino sakit una matanitu anun o God, i labo taun o Jon.”

Luk 7:35

Ikut a taro rop ra det mur a mananos anun o God, det upuaso i lena, anun a mananos i a mananos mulus.”

Aposel 18:25

Di sa ususer tari una Kisapi anun a Labino, ma i gas doko sur in warawai. I ususer tokodos det un o Iesu, ikut i tasmani kut a baptais anun o Jon.

Aposel 19:3

Ra i ting det lena, “Di baptaiso mot nam asi na ngas na baptais?” Ma det balu i lena, “Nam a baptais anun o Jon.”

A Pas anun o Pol torom a taro Rom 10:3

Ka det unatino pas det utuntudu in o God, sur in watung det lena, det tokodos umatano, uni ka det tasman a kisapi ra o God i pitari, sur taio in tokodos umatano, ma det lari kut sur det in ese det lena det tokodos umatano.

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.

Tamtama 16:5

Ma a longoro a ensel ra i tamtamabat a tasi ma a kum danim, i watungi lena, “God, ui u laun numugu ma u laun uniri, a Tasur na Musano ui, ui u tokodos, uni u warkurai lenri.