Luk 7:2 - Nupela Testamen long tokples Kandas

² Ara mugumugu anun a kum tene inaim tagitong o Rom i kis tiro iai. Ara tagun anun a kum tultul i misait, milau mo sur in mat. A tultul ri, i labo umatan anun a mugumugu.

Luk 7:2 Iomraidhean Croise

Matiu 27:54

A mugumugu anun a kum tene inaim, ma det kai ra kura tomo nami ra det tamtamabat o Iesu, det taramo a guri, ma det tama a kum utna ra i wanpat, ra det ngara doko. Det watungi lena, “I lingmulus ut, a musano ri a Nutun o God.”

Luk 23:47

A mugumugu anun a kum tene inaim i tama a utna ri i wanpat, ra i watung ulabo pas o God lena, “I lingmulus ut, a musano ri a tene tokodos.”

Luk 7:1

Ra o Iesu i sa watung rop tar a kum wasiso ri torom a taro, i wanpat tong o Kapernaum.

Luk 7:3

A mugumugu anun a kum tene inaim i longoro a wasiso un o Iesu, ra i tulu ru a ramano kum mugumugu anun a taro Juda sur det in saringi, sur in nan toromi, ma in ulangolango pas anun a tultul.

Luk 8:42

uni ara nutunulik kut, a ino, anun a kilalo a noino ma aru, i sa ling na mat. Ra o Iesu i wan, a labino kunur na taro det talilis bat pasi.

Aposel 10:1

Tong o Sisaria, ara musano i kis, a risano o Konelias, i ara mugumugu anun ara mar na taro na inaim, det tagun a taro na inaim tagitong o Itali.

Aposel 10:7

Ra a ensel, ra i wasiso toromi i sa wan, o Konelias i kabo pas aru tagun anun a kum tultul, ma ara tene lotu mulus tagun anun a taro na inaim.

Aposel 22:26

Ra a mugumugu anun a taro na inaim i longoro i, i wan torom anun a mugumugu, ra i watungi tano lena, “Asau ra u nem na pami? A musano ri a te Rom.”

Aposel 23:17

Numur o Pol i kabo pas ara mugumugu anun a kum tene inaim, ma i watungi tano lena, “Un ben a barman ri torom anumot a labino mugumugu, uni i nem na inanosi nam ara wasiso.”

Aposel 27:1

Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 27:3

Una bung numur, met sot pas tiro o Saidon. O Julias i maris o Pol, ra i mulaot ru i sur in nan pas torom a kum paspasano, sur det in tabori nama sau ra i sibo suri.

Aposel 27:43

Ikut o Julias, a mugumugu anun a kum tene inaim i nemi sur in ulaun o Pol, ra i turbat det. Ra i pitar a warkurai sur det ra det tasman a was, det in sirok losop, ma det in was mugu unago una usalin.

Kolosi 3:22

Mot a kum tene ititula, mot in mur a wasiso anun anumot a kum mugumugu taginin upiso una kum pinapam rop. Gong mot papam wakak kut ra det tama mot, sur mot in ugasgas tar det kut. Mot in papam wakak torom det nama lingmulusino tiro ubalamot, ma a urur torom a Labino.