Luk 6:42 - Nupela Testamen long tokples Kandas

⁴² Ra ko tama pas a nuduwai pi kura kut unin matam, un watung petlani torom o tisim lena, ‘Tising, an rakon ru a burbururup gusun in matam’? Ui a tene torotoro, un los mugu ru a nuduwai pi gusun in matam, ra un tamtama wakak, sur un rakon ru a burbururup gusun in matan o tisim.

Luk 6:42 Iomraidhean Croise

Matiu 26:75

Ma o Pita i nuk pas a wasiso ra o Iesu i sa watung tari tano lena, “A kereke ken kurkurirakuk utmakai, ra un ipul a tulu dino lena, ko tasman iau.” Ra i pirso gusun a nubual ra, ma i tangis dokodoko i.

Matiu 7:3

Ilai ra u tama pasi kut a burbururup kura unin matan o tisim, ikut ko nuk pas a nuduwai pi kura ut unin matam?

Matiu 7:4

Ra a nuduwai pi kura kut unin matam, un watung petlani torom o tisim lena, ‘An rakon ru a burbururup gusun in matam’?

Luk 13:15

A Labino i balu i lena, “Mot a kum tene torotoro! Mot rop arara, mot ser palos ru anumot a kum bulumakau ma a kum dongki gusun anundet a kum rumu, ra mot ben pirso det una Bung na Sabat sur det in inum.

Luk 22:32

Ikut a sa wararing taru sur ui, Saimon, sur gong anum a nurnur i puku. Ra u sa nukpukus melet, un udekdek a kum tistisim.”

Luk 6:41

“Ilai ra u tama pasi kut a burbururup kura unin matan o tisim, ikut ko nuk pas a nuduwai pi kura ut unin matam?

Luk 6:43

“In wakak na duwai ken wu lako laulau na wino, ma in laulau na duwai kai ken wu lako wakak na wino.

Aposel 13:10

ma i watungi tano lena, “Ui a nutun o Satan, a ebar anun a kum tokodos na petutna rop. U bukus nama kum ngas na torotoro ma a kum usobor. U pukus liklik a tokodos na kisapi anun a Labino. Nangisin mo un mana gusun anum a petutna ra?

Aposel 2:38

O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 8:21

Katu tinibo ma katu utna anum kuri nin una utna ri, uni ke tokodos in balam umatan o God.

A Pas anun o Pol torom a taro Rom 2:1

I mo ra, mot ra mot ser takun a taro gisen lena, ka det tokodos, ka mot in ipul lar pas. Anumot a etakun in takun melet mot ut. Uni mot takun a taro gisen, ikut mot kai, mot pami kut a sakino petutna ra.

2 Korin 5:18

I wanpat ut tan o God, i ra i dat tomo tar dat nami, una minatin o Karisito. Ra i sa pitar tar a pinapam tamet, sur met in dat pasi kai a taro torom o God.

2 Timoti 2:21

Ra taio in utalapor pas anun a nilaun gusun a kum dur na petutna, in elar nama dis tagun a kum lamlabino bung. Uni, i, anun a Labino, ra a Labino in papam una nun a nilaun sur in pam a pinapam anun a Labino, ma i sa kis waninar sur in pam a kum wakak na pinapam.

2 Pita 1:9

Ikut, osi ra a kum ngasino ri ke kis uni, i sa gawul in matano ma i sa pulu, ma i sa dumano ru i lena o God i sa gos talapor tari gusun a kum sakino petutna ra i pam tari.