Luk 5:6 - Nupela Testamen long tokples Kandas

⁶ Ra det sa woro tar a kum uben, det dat pas a susut na kiripo, ra anundet a kum uben milau in tararos.

Luk 5:6 Iomraidhean Croise

Luk 5:7

Det kalu pas a kum paspasan det tagun ara pot kai sur det in warut det. Ra det wan torom det, ma det ubukus pas aru pot rop, ra der ling na murung mo.

Aposel 2:41

Det ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur.

Aposel 4:4

Ikut, a susut na taro ra det longoro a wasiso anun o Pita ma o Jon, det nurnur. Ra a niluluk ina kum tene nurnur i labo nanan, a kum musano kut i elar nama limo na arip.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.