Luk 5:22 - Nupela Testamen long tokples Kandas

²² O Iesu i tasman a nuknukin det, ra i ting det lena, “Sur asau ra mot nuknuk lenra?

Luk 5:22 Iomraidhean Croise

Matiu 12:15

Ra o Iesu i tasmani lena det wasiso tomo sur det in um doko i, i wan tagitiro iai. A labino kunur na taro det muri, ma i ulangolango pas det rop ra det misait.

Matiu 12:25

O Iesu i sa tasman a nuknukin det, ra i watungi tandet lena, “Ra tu gapman det melet ut det in waim etalai, a gapman ra in rop kut. Ra tu tamon, o lako taro tagun tu rumu, det in waim etalai melet kut, ka det in kis tomo melet mo.

Matiu 9:4

Ma o Iesu i tasman a nuknukin det, ra i ting det lena, “Sur asau ra mot nuknuk laulau?

A Wakak na Wasiso un o Iesu Karisito o Mak i tumusi 8:17

O Iesu i tasman anundet a wasiso ra i watungi tandet lena, “Ilai ra mot wasiso lena ka mot los lako beret? Pepetlai ka mot mananos ma ka mot talapor utmakai? Pepetlai, a balamot i dekdek?

Luk 24:38

Ma i watungi tandet lena, “Ilai ra mot ngara? Ma ilai ra mot wur nuknuk?

Luk 5:21

A kum tene ususer tagun a Warkurai ma a kum Parisi, det nuknuk doko lena, “Osi na ngas na musano ri? I watung laulau o God uni i wasiso lar i o God. Osi i elar sur in unus ru a kum sakino petutna? O God sot kut.”

Luk 5:23

Osi na wasiso ra ke ngangitin sur an watungi? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, ma un nan’?

Aposel 5:3

Ra o Pita i watungi tano lena, “Ananias, pepetlai ra u mulaot pas o Satan sur in ruk unin balam ra u toro a Tokodos na Nion? Asau a kibino ra u munu pas ara kukur mani ra di sa kul tar a du piso nami?

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.

Tamtama 2:23

Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.