Luk 4:31 - Nupela Testamen long tokples Kandas

³¹ Numur o Iesu i wan utong o Kapernaum, una papor Galili, ma una Bung na Sabat, i ususer a taro.

Luk 4:31 Iomraidhean Croise

Matiu 10:23

Ra det in ban laulau mot un tu tamon, mot in kalabor utiro un tu tamon gisen. A inanos mot nama lingmulus, ra ka mot in nan rop utmakai utiro una kum tamon nin o Israel, a Nutun a Musano in nanpat.

Matiu 4:13

Ra i wan tagitong o Nasaret, i kis tiro o Kapernaum, a tamon ra i kis una usalin nisan a du tasi Galili, una piso anun a kabotaro Sebulon ma a kabotaro Naptali,

Luk 4:23

Ra i watungi tandet lena, “Kutiro mot in watung a wasiso elelar ri un iau: ‘Dokta, un ulangolango pas ui ut! A kum utna rop ra met longoro i lena u sa pam tari tiro o Kapernaum, i wakak ra un pami utkai nin una num a tamon.’”

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 18:4

Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.