Luk 3:16 - Nupela Testamen long tokples Kandas

¹⁶ Ra o Jon i watungi tandet rop lena, “Iau, a baptaiso mot nama danim. Ikut o naro ra a dekdekino i labo taun a dekdeking in nanpat. Ka elar sur an palos aru su gusun aru kikino, uni a natino doko tano. In baptaiso mot nama Tokodos na Nion ma a sungun.

Luk 3:16 Iomraidhean Croise

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

Matiu 3:12

I pam pas anun a pok nam aru lamano sur in lakro susuaro a pino wit gusun a wino wit. Numur in ubek tomo anun a wino wit una nun a rumu na wit, ikut in tun ru a kum pinino una sungun ra ke ser mat.”

A Wakak na Wasiso un o Iesu Karisito o Jon i tumusi 1:26

O Jon i balu det lena, “Iau, a baptaiso mot nama danim, ikut ara kura i tur epotor tamot, ra ka mot tasman pasi.

A Wakak na Wasiso un o Iesu Karisito o Jon i tumusi 1:27

I ra, in mur tang. Ka elar sur an palos aru su gusun aru kikino, uni a natino doko tano.”

A Wakak na Wasiso un o Iesu Karisito o Jon i tumusi 7:38

Osi ra i nurnur un iau, ‘a kum danim na nilaun det in sal pat tagun anun a nilaun,’ elar nami ra di sa tumus tari una Buk Tabu.”

Aposel 1:5

O Jon i baptaiso nama danim, ikut ken suano i, ra din baptaiso mot nama Tokodos na Nion.”

Aposel 10:44

Ra o Pita kura utmakai i wasiso una rumu anun o Konelias, a Tokodos na Nion i wan pirso un det rop, ra det longoro a wasiso ra.

Aposel 2:33

Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.

1 Korin 12:13

Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.