Luk 3:14 - Nupela Testamen long tokples Kandas

¹⁴ Ma a ramano kum tene inaim det tingi lena, “Ma met, asau ra met in pami?” Ra i balu det lena, “Gong mot los na kankan oros pasi kut a mani gusun a taro, ma gong mot etakun torotoro, mot in gas kut sur a ikul ra din pitari tamot.”

Luk 3:14 Iomraidhean Croise

Matiu 8:5

Ra o Iesu i sa wanpat tong o Kapernaum, ara mugumugu anun a kum tene inaim tagitong o Rom i wan toromi, ra i inanosi sur in waruti.

Luk 19:8

O Sakias i tur ra i watungi tan a Labino lena, “Tama i, Labino, ara kukur utna tagun anung a ululeng an tabor a kum sibo na taro nami. Ra a sa toro pas lako utna tan taio, an balu meleti toromi a wat na dino.”

Luk 3:10

A kunur na taro det tingi lena, “Asau ra met in pami?”

Luk 3:13

Ra i balu det lena, “Gong mot los a takis i labo tauni ra di sa kubus tari.”

Aposel 10:7

Ra a ensel, ra i wasiso toromi i sa wan, o Konelias i kabo pas aru tagun anun a kum tultul, ma ara tene lotu mulus tagun anun a taro na inaim.

Pilipai 2:15

sur mot in langolango gusun a kum etakun ma mot in tokodos, a kum nutnutun o God, ma katu niraro un mot, epotor tan a taro ra ka det tokodos ma a magirandet i laulau sakit. Ra mot etabor nama wasiso na nilaun, mot in talapor epotor tandet elar nama kum nangnang ra det talapor una rakrakon bual. Ra mot in pami lenra, an warango mot una bung anun o Karisito, uni in talapor lena, ka kalabor oros kut, ma anung a pinapam ke utna oros kut.

Pilipai 4:11

Ka watungi lenri, uni a sibo, awu. Uni a sa ulason pas iau, sur an gas una kum sau ra an etoromi.

Taitus 2:3

Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak.

Tamtama 12:10

Ra a longoro in labino walngan ara sapat una langit i watungi lena, “Uniri anundat a God i sa ulaun pas a taro, i sa ese a dekdekino, ma anun a matanitu i sa wanpat, ma a warkurai anun o Karisito i sa wanpat. O Karisito anun o God. Uni di sa woro pirso ru a tene etakun ra i ser takun a kum tistisin dat, i ra i ser takun det umatan o God una kum mirum ma a waspi.