Luk 23:33 - Nupela Testamen long tokples Kandas

³³ Ra det wanpat una nubual ra di watungi nama, “Nubual na Lor na Minat,” tiro iai det sak wat o Iesu unin nanai kutus, ma aru sakino musano kai, ara una papor sot, ma ara kai una kair.

Luk 23:33 Iomraidhean Croise

Matiu 20:19

ma det in pitar tari torom det, ra awu sur a taro Juda sur det in urongon laulau uni, det in mirasi, ma det in sak wati unin nanai kutus. Ra a tulu bung in rop in katutur melet.”

Matiu 26:2

“Mot tasmani ut, ra aru bung in rop, din turpas a labino bung na lotu na Wanlakai, ra din pitar tar a Nutun a Musano sur din sak wati unin nanai kutus.”

Luk 24:7

I sa watung tari lenri, ‘Din pitar tar a Nutun a Musano una laman a laulau na taro, ma din sak wati unin nanai kutus. Ra a tulu bung in rop in katutur melet.’”

A Wakak na Wasiso un o Iesu Karisito o Jon i tumusi 18:32

A utna ri i wanpat sur din pam sot pas a wasiso anun o Iesu, ra i sa watung mugu tari una nun a ngas na minat.

A Wakak na Wasiso un o Iesu Karisito o Jon i tumusi 3:14

Numugu, o Moses i ukete in nusui unin nanai una nubual kalako taro uni. Lenkutkai ra din ukete a Nutun a Musano usapat,

Aposel 13:29

Ra det sa pam sot rop tar a kum wasiso ra di sa tumus tari uni, det palos pirso ru i gusun in nanai kutus, ma det inep tari una kulam na minat.

Aposel 2:23

Di pitar tar o Iesu torom mot, elar nami ra o God i sa tasman mugu tari, una nuknukino. Ra mot tomo nama kum sakino taro, mot sak wati unin nanai kutus.

Aposel 5:30

A God anun a kum tumtubun dat tagun numugu, i ukatutur melet pas o Iesu, i ra mot sak wat tari unin nanai kutus.

Galesia 3:13

A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, “Osi ra di ukete i netes unin nanai, a dekdek na kankan anun o God i kis uni.” Lo 21:23

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.