Luk 22:8 - Nupela Testamen long tokples Kandas

⁸ Ra o Iesu i tulu ru o Pita ma o Jon, ma i watungi tander lena, “Mur in nan ma mur in waninar andat a utna sur a labino bung na lotu na Wanlakai.”

Luk 22:8 Iomraidhean Croise

Matiu 3:15

Ra o Iesu i balu i lena, “Un baptaiso iau kut. I wakak ra un pami, sur dar in pam sot pas asau rop ra i tokodos umatan o God.” Ra o Jon i mulaot kut tano.

Luk 1:6

Der aru tene tokodos umatan o God, der mur wakak a kum Warkurai rop anun a Labino.

Luk 22:9

Ra der tingi lena, “U nemi sur mir in waninari awai?”

Aposel 3:1

Ara bung o Pita ma o Jon der wan usapat una rumu na etabor, una du bung na niaring, una tulu pakano bung una lirop.

Aposel 3:11

A musano ri i pam ukai pas o Pita ma o Jon, ra a taro rop det kisin doko ma det kalabor torom detul una parada ina rumu na etabor, ra di watungi nama Parada anun o Solomon.

Aposel 3:3

I tama pas o Pita ma o Jon ra der ling na ruk, ra i saring der sur lako mani.

Aposel 4:13

Det tasmani lena, o Pita ma o Jon aru musano oros kut, ma ka der ususer pas un tu labino wortowo. Ma det kisin doko un der ra der wasiso ma ka der ngara. Ra det tasmani lena numugu detul ser imurmur tomo ut nam o Iesu.

Aposel 4:19

Ikut o Pita ma o Jon der balu det lena, “Pepetlai, i tokodos umatan o God sur mir in mur anumot a wasiso, ma a wasiso anun o God gong? Mot ut mot in tama i.

Aposel 8:14

A kum aposel ra det kis sapat o Jerusalem, det longoro i lena a taro Samaria kai det sa mur a wasiso anun o God, ra det tulu ru o Pita ma o Jon torom det.

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.