Luk 22:4 - Nupela Testamen long tokples Kandas

⁴ I wan torom a kum lamlabino tene etabor torom o God, ma a kum mugumugu anun a kum tene tamtamabat tagun a rumu na etabor, ra i wasiso tomo nam det sur in pitar petlan tar o Iesu ulamandet.

Luk 22:4 Iomraidhean Croise

Matiu 26:14

O Judas Iskariot, ara tagun a noino ma aru nat na ususer, i wan torom a kum lamlabino tene etabor torom o God.

Luk 22:5

Det gas, ma det watungi lena, det in kuli nam lako mani.

Luk 22:52

O Iesu i wasiso torom a kum lamlabino tene etabor torom o God, ma a kum mugumugu anun a kum tene tamtamabat tagun a rumu na etabor, ma a kum mugumugu anun a taro ra det wanpat suri. I watungi lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur iau?

Aposel 4:1

O Pita ma o Jon der wasiso torom a taro, ra a kum tene etabor torom o God, ma a mugumugu anun a kum tene tamtamabat tagun a rumu na etabor, ma a kum Sadusi, det wan torom der.

Aposel 5:24

Ra a mugumugu anun a kum tene tamtamabat tagun a rumu na etabor ma a kum lamlabino tene etabor torom o God, det longoro a wasiso ri, i toboroboro a nuknukin det, ra det nuknuk doko un asau mo ra in nanpat.

Aposel 5:26

Ra a kum tene tamtamabat ma anundet a mugumugu det ben pas a kum aposel. Det ben wakak pas det kut, uni det ngaran a taro, sako det in dukuduku det.