Luk 21:8 - Nupela Testamen long tokples Kandas

⁸ I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

Luk 21:8 Iomraidhean Croise

Matiu 24:11

A susut na torotoro na poropet kai det in nanpat, ma det in toro pas a susut na taro.

Matiu 3:2

ra i watungi lena, “Mot in nukpukus, uni a matanitu tagisapat una langit i sa milau.”

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

Luk 17:23

Lako taro det in watungi tamot lena, ‘Tama i, i mo ra i!’ o, ‘Kuri i nin!’ Gong mot mur tar det.

Luk 21:7

Det ting o Iesu lena, “Tene Ususer, nangisin mo a kum utna ri in nanpat? Ma asi na ukinalong ra in ese i lena i sa milau sur det in nanpat?”

Luk 21:9

Ra mot in longoro a kum inaim ma a kum inaim tomo nama gapman, gong mot ngara, uni a kum utna ri det in nanpat mugu, ikut a ururop ina rakrakon bual ken nanpat utmakai.”

A Wakak na Wasiso un o Iesu Karisito o Jon i tumusi 5:43

A wanpat nama risan o Tita, ma ka mot gas pas iau. Ikut ra taio gisen in nanpat nama risano ut, i ra, mot in gas pasi.

A Wakak na Wasiso un o Iesu Karisito o Jon i tumusi 8:24

Iri a kibino ra a watungi tamot lena, mot in mat nam anumot a kum sakino petutna. Ra ka mot nurnur un iau lena iau ut ri iau, mot in mat nam anumot a kum sakino petutna.”

A Wakak na Wasiso un o Iesu Karisito o Jon i tumusi 8:28

Ma o Iesu i watungi lena, “Ra mot in utur toto a Nutun a Musano usapat netes, mot in tasmani lena iau ut ri iau, ma mot in tasmani kai lena awu sur iau sot kut a papam, o Tita i ususer iau un asau ra a watungi.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

2 Tesalonaika 2:3

Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.

2 Jon 1:7

A susut na tene torotoro det sa wan sarara nin una rakrakon bual. Det ipul kut lena, o Iesu Karisito awu sur i wanpat a musano mulus. A ngas na musano ra, i a tene torotoro, ma a ebar anun o Karisito.

Tamtama 1:3

Osi ra in luk a kum wasiso na poropet ri, in dan. Ma det ra det in longoro a kum wasiso ri, ra di sa tumus tari, ma det in muri, det kai det in dan, uni i sa milau sur a kum utna ri in nanpat.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.