Luk 21:12 - Nupela Testamen long tokples Kandas

¹² “Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.

Luk 21:12 Iomraidhean Croise

Matiu 22:6

Ma ara taro kai ra di wan sur det, det pam ukai pasi kut a kum tultul, ma det ban laulau det ma det um doko det.

Matiu 24:8

A kum utna rop ri, i elar nama kum mugano ngunungut, ra i ser wanpat una ino ra i ling na usus.

Luk 21:11

A kum lamlabino guri, ma a kum munurak ma a kum ngas na dekdek na misait una kum tamon, ma a kum ngas na utna tagisapat una bakut ra in ungara a taro, ma a kum lamlabino ukinalong tagisapat una bakut, det in nanpat.

A Wakak na Wasiso un o Iesu Karisito o Jon i tumusi 15:20

Mot in nuk pas a wasiso ra a sa watung tari tamot lena, ‘A tultul ke labo taun anun a labino.’ Ra det ban laulau iau, det in ban laulau mot kai. Ra det mur anung a wasiso, det in muri kai anumot a wasiso.

A Wakak na Wasiso un o Iesu Karisito o Jon i tumusi 15:21

Det in ban laulau mot kibino una risang, uni ka det tasman o naro ra i tulu ru iau urin.

Aposel 22:30

Una bung numur, a labino mugumugu i nemi sur in mananos wakak pas una utna ra a taro Juda det takun o Pol nami. Ra i palos ru a kum sen, i itula sur a kum lamlabino tene etabor torom o God, ma a taro na kiwung rop kai, sur det in nan tomo. Ra i ben pirso pas o Pol, ra i utur tari sa numugu umatandet.

Aposel 5:40

Ma det mulaot una nun a wasiso, ra det kabo melet pas a kum aposel, det miras tatar det, ma det turbat det sur gong mo det wasiso nama risan o Iesu. Numur det palos ru det.

Aposel 8:3

Ra o Sol i ban laulau a taro na lotu. I ruk una nundet a kum rumu, i dat pas a kum musano ma a wardain, ra i uruk tar det una karabus.

Aposel 9:4

Ra i puku pirso una piso, ra i longoro in nalngan ara i watungi tano lena, “Sol, Sol, sur asau ra u ser ban laulau iau?”

1 Pita 2:13

I wakak sur mot in unatino pas mot torom det rop ra det pam ukai a warkurai nin upiso. Mot in pami uni a Labino i nemi lenra. Mot in unatino pas mot torom a king, i ra a labino mugumugu tagun a gapman.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.