Luk 2:9 - Nupela Testamen long tokples Kandas

⁹ Ma a ensel anun a Labino i wanpat torom det, ma a minamar anun a Labino i sisio talilis det, ra det ngara doko.

Luk 2:9 Iomraidhean Croise

Matiu 1:20

Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.

Luk 1:28

A ensel i ruk torom o Maria ma i watungi tano lena, “Un gas, u dan doko! A Labino i kis tomo nam ui.”

Luk 2:8

A ramano kum tene tamtamabat anun a kum sipsip det tamtamabat anundet a kum sipsip una mirum sa ubual milau una tamon ra.

Luk 24:4

Ra a nuknukin det i lokolokor utmakai uni, uniutra, aru musano, anunder arin namalu i pilpil doko, der wanpat torom det.

A Wakak na Wasiso un o Iesu Karisito o Jon i tumusi 12:41

O Aisaia i watungi lenri uni i sa tama mugu a minamar anun o Iesu, ra i wasiso uni.

Aposel 12:7

A ensel anun a Labino i wanpat kisin toromi, ma a talapor i utalapor a balano rumu na karabus. I rapus wangun o Pita una paporino, ra i watungi tano lena, “Un katutur lakit!” Ra aru sen der tapalos gusun aru lamano.

Aposel 27:23

Iau anun o God, ma a ser muri. Nanganong mirum, ara ensel anunu i wanpat torom iau.

Aposel 5:19

Ra una mirum, ara ensel anun a Labino i papos a kum matansako ina rumu na karabus, ra i ben pirso ru det

2 Korin 3:18

Ma dat, ra ka di pulus bat a masarindat nam tu du malu, dat upuaso a minamar anun a Labino. Ma anundat a nilaun i tupukus nanan sur dat in elar nam o Karisito, ma anun a minamar i lubung una nundat a nilaun. A minamar ra, tan a Labino ut, i ra a Nion.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Ibru 12:21

A kum utna ra, ra det tama i, i ungara doko det, ra o Moses i watungi lena, “A ngara, ma a neneder.” Lo 9:19

Tamtama 18:1

Numur tan a kum utna ri, a tama ara ensel bulung i wan pirso tagisapat una langit. I pam ukai a dekdek na warkurai, ma anun a minamar i utalapor a rakrakon bual.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.