Luk 2:4 - Nupela Testamen long tokples Kandas

⁴ O Josep kai i wan tagitiro una tamon Nasaret una papor Galili utong o Betliem una papor Judia. O Betliem, a tamon ra di usus o Dewid iai, ma o Josep i wan utong, uni i tagun a kabotaro anun o Dewid.

Luk 2:4 Iomraidhean Croise

Matiu 1:20

Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.

Matiu 2:23

Ra detul wan ma detul kis una tamon a risano o Nasaret. Una anundetul a kinkinis tiro, di pam sot pas a wasiso anun a kum poropet lena, “Din watungi lena i a te Nasaret.”

Luk 2:3

Ma a taro rop det wan sur anundet a kum tamon mulus sur din tumus a risandet.

Luk 2:5

I wan sur din tumus a risano, tomo nama risan o Maria ra di sa ubek bat tari sur anunu. Ra der wan o Maria i sa tianan.

Luk 4:16

O Iesu i wanpat tiro o Nasaret, a tamon ra i labo pat iai, ma i ruk una rumu na lotu una Bung na Sabat, elar nama nun a petutna ut, ma i tur sur in luluk.

A Wakak na Wasiso un o Iesu Karisito o Jon i tumusi 1:46

Ikut o Natanael i balu i lena, “O Nasaret! Pepetlai, tu wakak na utna ut in nanpat tagitiro iai?” O Pilip i balu i lena, “Un nan urin ma dar in nan sur un tama i.”

A Wakak na Wasiso un o Iesu Karisito o Jon i tumusi 7:42

A Buk Tabu i watungi lena, a Karisito in nanpat tagun a kabotaro anun o Dewid. In nanpat tong o Betliem, a tamon ra numugu o Dewid i kis iai.”