Luk 2:25 - Nupela Testamen long tokples Kandas

²⁵ Ara musano i kis sapat o Jerusalem a risano o Simion, a tene tokodos ma a tene urur kai torom o God. I ser kis langlang sur o God in ulaun a taro Israel, ma a Tokodos na Nion i kis uni.

Luk 2:25 Iomraidhean Croise

Luk 1:41

Ra o Elisabet i longoro pas a kakabo na gasgas anun o Maria toromi, a nat i milu unin balano, ma o Elisabet i bukus nama Tokodos na Nion.

Luk 1:6

Der aru tene tokodos umatan o God, der mur wakak a kum Warkurai rop anun a Labino.

Luk 1:67

O Sekaraia o taman o Jon, i bukus nama Tokodos na Nion, ma i wasiso na poropet lenri,

Luk 2:38

Una du bung utra, i wanpat torom detul, i watung wakak pas torom o God, ra i wasiso puaso una nat torom det rop ra det ser kis langlang sur o God in ulangolango pas a taro Jerusalem.

Aposel 10:2

O Konelias ma det rop ra det kis una nun a rumu det a kum tene lotu mulus ma det ser urur torom o God. O Konelias i a tene etabor, i ser tabor a kum sibo na taro, ma a kum bung rop i ser wararing torom o God.

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

Aposel 2:5

Una kum bung ra, a susut na te Juda kai det kis tiro o Jerusalem. Det a kum tene lotu, tagun a kum tamon rop una rakrakon bual.

Aposel 24:16

Lenkutkai ra, a dekdek doko sur anung a nilaun in tokodos umatan o God, ma umatan a taro kai.

2 Pita 1:21

Uni katu wasiso na poropet i wanpat kut tagun a nuknukin tu musano, awu. A Tokodos na Nion ut, i mugu a taro ra det wasiso nama wasiso tan o God.