Luk 2:2 - Nupela Testamen long tokples Kandas

² Iri a mugano dino ra di tumus a risandi una kum kilalo ra o Kwirinius i mugumugu tong o Siria.

Luk 2:2 Iomraidhean Croise

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.

Luk 2:1

Una kilalo ra, o Sisa Augustus, a mugumugu tagun a gapman Rom, i ubek a warkurai sur din tumus a risan a taro rop una kum tamon ra o Rom i warkurai sur det.

Luk 2:3

Ma a taro rop det wan sur anundet a kum tamon mulus sur din tumus a risandet.

Luk 3:1

Ra i sa noino ma limo na kilalo una warkurai anun o Sisa Taiberius, o Pontias Pailat a labino mugumugu i warkurai sur a papor Judia, ma o Erod i mugumugu una papor Galili, ma a tisino o Pilip i mugumugu una aru papor Ituria ma o Trakonitis, ma o Lisanias i mugumugu una papor Abilene

Aposel 13:7

i ara pasan o Sergius Paulus. Sergius Paulus i a mugumugu tagun a ailan ra, a tene mananos, ra i itula pas o Banabas ma o Sol, uni i nem na longoro a wasiso anun o God.

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 23:26

Iau o Klodius Lisias, a tumtumus torom ui o Peliks a labino mugumugu tagun a gapman. A marmaris torom ui.

Aposel 26:30

Ra a king i tur, o Pestus ma o Benaisi, ma det kai ra det kis tomo.

Aposel 5:37

Numur tan a musano ri, ara bulung, o Judas, a te Galili, i wanpat una kilalo na tumtumus rising, ra i ben gisen pas a ramano taro sur det in waim nama gapman. I kai i iru, ma det rop ra det muri, det wan susuaro.