Luk 19:5 - Nupela Testamen long tokples Kandas

⁵ Ra o Iesu i wanpat tiro iai, i tatado usapat netes unin nanai, ra i watungi tano lena, “Sakias, un pirso lakit urin. Uniri an kis tomo nam ui una num a rumu.”

Luk 19:5 Iomraidhean Croise

Luk 19:10

Uni a Nutun a Musano i wanpat sur in sisio sur det ra det raro ma in ulaun pas det.”

Luk 19:2

Ra ara musano i kis tiro iai, a risano o Sakias, a mugumugu anun a kum tene los takis, ma i a tene gongon.

Luk 19:4

Ra i kalabor usa numugu, ra i ka toto unin nanai, sur in tama o Iesu, uni in nan sakit una kisapi ra.

Luk 19:6

Ra i pirso lakit, ra i ben pas o Iesu utiro una nun a rumu nama gasgas.

A Wakak na Wasiso un o Iesu Karisito o Jon i tumusi 1:48

O Natanael i ting o Iesu lena, “U tasman lan iau?” I balu i lena, “Ra o Pilip ke kabo pas ui utmakai, a sa tama mugu tar ui ra u kis taru nago utuntudu in nanai na fig.”

A Wakak na Wasiso un o Iesu Karisito o Jon i tumusi 14:23

O Iesu i balu i lena, “Ra taio i nem iau, in mur anung a kum etowo. O Tita in nemi, ma mir nam o Tita mir in nan toromi, ma mir in kis tomo nami.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Ibru 13:2

Gong mot dumano i sur mot in gas pas a kum usiro. Uni ara taro ra det pam a ngasino ra, det sa gas pas a kum ensel, ikut ka det tasmani.

Tamtama 3:20

Tama i, a tur nisan a matansako ma a pinpidik. Ra taio in longoro in nalngang ma in papos a matansako, an ruk toromi, ma an nangon tomo nami, ma i, in nangon tomo nam iau.