Luk 19:47 - Nupela Testamen long tokples Kandas

⁴⁷ Una kum bung rop, o Iesu i ser ususer a taro ubalan in noworo ina rumu na etabor. Ikut a kum lamlabino tene etabor torom o God, ma a kum tene ususer tagun a Warkurai ma a kum mugumugu anun a taro, det nuknuk sur tu kisapi sur det in um doko i uni.

Luk 19:47 Iomraidhean Croise

Matiu 21:23

O Iesu i ruk ubalan in noworo ina rumu na etabor, ma i ususer a taro. A kum lamlabino tene etabor torom o God ma a kum mugumugu anun a taro det wan toromi. Ra det tingi lena, “Asi na ngas na dekdek ra u pam a kum utna ri nami? Osi ra i pitar tar a dekdek ri tam?”

Matiu 26:55

Una du bung ra, o Iesu i watungi tan a kunur na taro lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur mot in pam ukai pas iau? Una kum bung rop a ser kis ubalan in noworo ina rumu na etabor, a ser ususer a taro, ma ka mot pam ukai iau.

A Wakak na Wasiso un o Iesu Karisito o Mak i tumusi 11:18

A kum lamlabino tene etabor torom o God ma a kum tene ususer tagun a Warkurai det longoro i, ra det nuknuk sur tu kisapi sur det in um doko o Iesu uni, uni det ngarani. Det ngara uni a taro rop det kisin una kum etowo anunu.

A Wakak na Wasiso un o Iesu Karisito o Mak i tumusi 12:12

A kum mugumugu anun a taro Juda det sisio sur tu kisapi sur det in pam ukai pas o Iesu, uni det tasmani ut lena i watung a wasiso elelar ri un det. Ikut det ngaran a kunur na taro. Ra det wan mut gusuni.

A Wakak na Wasiso un o Iesu Karisito o Mak i tumusi 14:1

Aru bung numugu tan a labino bung na lotu na Wanlakai, ma a labino bung na lotu na beret ra kalako is uni, a kum lamlabino tene etabor torom o God, ma a kum tene ususer tagun a Warkurai det nuknuk sur tu ngas na kisapi sur det in pam ukai eno pas o Iesu, ma det in um doko i.

A Wakak na Wasiso un o Iesu Karisito o Mak i tumusi 14:49

Una kum bung rop dat ser kis tomo ubalan in noworo ina rumu na etabor, a ser ususer a taro, ma ka mot pam ukai iau. Ikut di pami lenri sur din pam sot pas a wasiso na Buk Tabu.”

Luk 19:48

Ikut det lagano nuknuk taru sur tu utna ra det in pami, uni a labino kunur na taro det nem doko i sur det in longoro a wasiso anun o Iesu.

Luk 20:19

A kum tene ususer tagun a Warkurai ma a kum lamlabino tene etabor torom o God det sisio sur tu kisapi sur det in pam ukai pas o Iesu una du bung utra, uni det tasmani ut lena i watung a wasiso elelar ri un det. Ikut det ngaran a taro.

A Wakak na Wasiso un o Iesu Karisito o Jon i tumusi 10:39

Ara dino melet det nem na pam ukai o Iesu, ikut i wan eno pas kut gusun det.

A Wakak na Wasiso un o Iesu Karisito o Jon i tumusi 18:20

O Iesu i balu i lena, “A sa wasiso talapor umatan a taro rop, ma a ser ususer det una kum rumu na lotu ma ubalan in noworo ina rumu na etabor, ra a taro Juda det ser wan tomo iai. Ka inanos eno tar det un tu utna.

A Wakak na Wasiso un o Iesu Karisito o Jon i tumusi 7:19

O Moses i sa pitar tar a Warkurai tamot, ikut kataio tagun mot i muri. Sur asau ra mot nem na um doko iau?”

A Wakak na Wasiso un o Iesu Karisito o Jon i tumusi 7:44

Ara taro det nem na pam ukai i, ikut katutaio i tulan tar a pinino.