Luk 19:28 - Nupela Testamen long tokples Kandas

²⁸ Ra o Iesu i sa watung tar a wasiso elelar ri, i mugu melet usapat o Jerusalem.

Luk 19:28 Iomraidhean Croise

Luk 10:30

O Iesu i balu i lenri, “Ara musano i wan tagisapat o Jerusalem utong o Jeriko. Ra i wan nanan, a kum tene wolong det kalabor bat pasi. Det palos ru anun a kum malu, ma det um laulau tari, ra det wan pas gusuni ma milau mo sur in mat.

Luk 12:50

Anung a baptais na ngunungut kura utmakai sur din baptaiso iau nami, ma iri a los a tarai na maut tuk ut ra din pam sot pasi.

Luk 18:31

O Iesu i ben gisen pas anun a noino ma aru nat na ususer, ra i watungi tandet lena, “Tama i, iri dat wan nanan usapat o Jerusalem, ma din pam sot pas a kum utna rop ra a kum poropet det sa tumus tari una Nutun a Musano.

Luk 9:51

Ra i sa milau a du bung sur din los pas o Iesu usapat una langit, a nuknukino i dekdek sur in nan usapat o Jerusalem, ma i turpas a inawan.

A Wakak na Wasiso un o Iesu Karisito o Jon i tumusi 18:11

Ra o Iesu i watungi tan o Pita lena, “Uruk melet anum in totok una bano. Pepetlai, kan inum tagun a kap na mamaut ra o Tita i pitar tari tang?”

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

1 Pita 4:1

O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna.