Luk 15:10 - Nupela Testamen long tokples Kandas

¹⁰ A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

Luk 15:10 Iomraidhean Croise

Matiu 10:32

“Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau.

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 18:14

Lenkutkai ra, a Tamamot ra i kis sapat una langit, ke nemi sur taio tagun a kum nat liklik ri in iru.

Luk 12:8

“A watungi tamot, osi ra in watung puaso i umatan a taro lena, i tagun iau, a Nutun a Musano kai in watung puaso i umatan a kum ensel anun o God lena, i tagun iau.

Luk 12:9

Ikut osi ra in ipul ru iau umatan a taro, a Nutun a Musano kai in ipul ru i umatan a kum ensel anun o God.

Luk 13:5

Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.”

Luk 15:11

O Iesu i watungi lena, “Ara musano aru nutnutunu, aru nat musano.

Luk 15:7

A watungi tamot, i lenkutkai ra sapat una langit, a gasgas una tene sakino ra i nukpukus in labo taun a gasgas una lisu na noino ma lisu ra det sa tokodos, ma ka det in nukpukus melet.

Luk 15:9

Ra i sa sio pasi, in kabo tomo pas a kum paspasano ma det ra det kis milau, ra in watungi tandet lena, ‘Dat in gas, uni a sa sio melet pas ara mani ra a ban raro tari.’

Luk 7:47

I mo ra a watungi tam lena, anun a labino marmaris torom iau i ese i lena, o God i sa unus ru anun a susut na sakino petutna. Ikut osi ra o God i unus ru i kut anun a nat na sakino petutna, anun a marmaris kai in natino.”

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 5:19

Ra una mirum, ara ensel anun a Labino i papos a kum matansako ina rumu na karabus, ra i ben pirso ru det

2 Korin 7:10

A tupunuk ra o God i nemi, i utupunuk a taro sur det in nukpukus. Ra det in nukpukus, o God in ulaun det. Dat in gas una ngas na tupunuk ra. Ikut a tupunuk tagun a rakrakon bual, i pam pati kut a minat.

Pilimon 1:15

Kutiro o Onesimus i kis gisen lilik pas kut gusun ui, sur i mo ri, in kis tukum tomo nam ui.

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.