Luk 12:4 - Nupela Testamen long tokples Kandas

⁴ “A watungi tamot a kum paspasang: Gong mot ngaran det ra det um doko i kut a pinindi. Ra det sa pam len tari ra, ka det in pet lar pasi sur det in pam melet tu utna kai.

Luk 12:4 Iomraidhean Croise

Matiu 10:28

Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun.

A Wakak na Wasiso un o Iesu Karisito o Jon i tumusi 15:13

Ra taio in pitar ru anun a nilaun sur in mat sur a kum paspasano, anun a marmaris i labo sakit. Katu marmaris anun taio i elar nami.

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 4:13

Det tasmani lena, o Pita ma o Jon aru musano oros kut, ma ka der ususer pas un tu labino wortowo. Ma det kisin doko un der ra der wasiso ma ka der ngara. Ra det tasmani lena numugu detul ser imurmur tomo ut nam o Iesu.

Pilipai 1:28

ma ka mot in ngaran a kum ebar. Iri a ukinalong torom anumot a kum ebar ra det in iru, ikut torom mot, o God in ulaun mot. O God ut in pam a kum utna ra.

Jems 2:23

Ra di pam sot pas a wasiso una Buk Tabu ra i watungi lenri, “O Abaram i nurnur un o God, i mo ra o God i watungi a tene tokodos.” Stat 15:6 Ra o God i watungi kai lena der pasano.

1 Pita 3:14

Ikut, ra din ukadik mot kibino una numot a tokodos na petutna, mot dan. “Gong mot ngaran a kum utna ra det in ungaran mot nami, ma gong mot neder.” Ais 8:12-13

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.