Luk 1:6 - Nupela Testamen long tokples Kandas

⁶ Der aru tene tokodos umatan o God, der mur wakak a kum Warkurai rop anun a Labino.

Luk 1:6 Iomraidhean Croise

Luk 1:7

Ikut katu nutunder, uni o Elisabet ke ser usus, ma der sa takano laulau kai.

Luk 16:15

Ra o Iesu i watungi tandet lena, “Mot, mot ukodos pas mot kut umatan a taro. Ikut o God i tasman a balamot. Uni a utna ra i labo doko umatan a taro i laulau doko umatan o God.

Luk 2:25

Ara musano i kis sapat o Jerusalem a risano o Simion, a tene tokodos ma a tene urur kai torom o God. I ser kis langlang sur o God in ulaun a taro Israel, ma a Tokodos na Nion i kis uni.

Aposel 2:25

O Dewid i sa watung tari un o Iesu lena, ‘A tasmani lena a Labino i kis bolbolos tomo nam iau. Kan neder, uni kuri i una sot na lamang, i udekdek iau.

Aposel 23:1

O Pol i tamtama tokodos torom a taro na kiwung, ra i watungi lena, “A kum tistising, tuk una bung ri, anung a nilaun i talapor umatan o God, ma in balang ke takun iau un tu utna.”

Aposel 24:16

Lenkutkai ra, a dekdek doko sur anung a nilaun in tokodos umatan o God, ma umatan a taro kai.

Aposel 8:21

Katu tinibo ma katu utna anum kuri nin una utna ri, uni ke tokodos in balam umatan o God.

A Pas anun o Pol torom a taro Rom 8:4

I pami sur a tokodos na petutna, ra a kum Warkurai det wasiso uni, in nanpat mulus una nundat a nilaun. Ka dat mur meleti mo a sakino nemnem ina pinindat, dat muri mukut a nemnem anun a Tokodos na Nion.

1 Korin 11:2

A watung ulabo pas mot, uni mot ser nuk pas iau una kum ututna rop, ma mot mur a kum etowo ra a sa ususer tar mot nami.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

Pilipai 2:15

sur mot in langolango gusun a kum etakun ma mot in tokodos, a kum nutnutun o God, ma katu niraro un mot, epotor tan a taro ra ka det tokodos ma a magirandet i laulau sakit. Ra mot etabor nama wasiso na nilaun, mot in talapor epotor tandet elar nama kum nangnang ra det talapor una rakrakon bual. Ra mot in pami lenra, an warango mot una bung anun o Karisito, uni in talapor lena, ka kalabor oros kut, ma anung a pinapam ke utna oros kut.

Kolosi 1:22

Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 2:3

Ra dat mur anun a kum warkurai, dat talapor lena dat tasmani ut o God.

1 Jon 3:7

A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito.