Kolosi 4:3 - Nupela Testamen long tokples Kandas

³ Mot in wararing kai un met, sur o God in papos saro a kisapi, sur met in upuaso a wasiso un o Karisito, ra numugu i kis eno. A kis una karabus, uni a wasiso nama kum wasiso ri.

Kolosi 4:3 Iomraidhean Croise

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Aposel 14:27

Ra der wanpat, der kabo tomo pas a taro na lotu, ma der inanos det una kum utna rop ra der pam sot pasi nama dekdekin o God. Der inanos det kai lena, o God i sa papos tar a kisapi na nurnur torom a taro ra awu sur a taro Juda.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

1 Korin 16:9

uni a kisapi i sa papos sur anung a pinapam in lubung ma in wu, ma a susut na taro kai det nem na turbati.

1 Korin 4:1

I wakak sur mot in nuknuk un met lar met, a kum tultul anun o Karisito, ra a kum wasiso anun o God ra numugu i kis eno, o God i sa pitar tari torom met sur met in upuaso i torom a taro.

2 Korin 2:12

Ra a wanpat una tamon Troas, sur an warawai torom det nama Wakak na Wasiso anun o Karisito, a tama i lena, a Labino i sa papos saro tar anung a kisapi sur an warawai.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 3:3

Ma o God i utalapor iau una utna ra numugu i kis eno. Ma una pas ri a sa tumtumus lilik pas uni.

Epeses 3:4

Ra mot in luki, mot in tasman asau ra a sa talapor uni, una utna un o Karisito, ra numugu i kis eno.

Epeses 3:9

O God, i ra i ukis a kum utna rop, i pitar tar a pinapam tang, sur an utalapor a taro rop una nuknukino ra numugu i kis eno.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Pilipai 1:19

uni a tasmani lena, una numot a kum niaring, ma a warut anun a Nion o Iesu Karisito, asau ra i wanpat un iau din pukusi sur an langolango.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Kolosi 1:26

A wasiso ri, i a utna ra i kis eno, tagun numugu utmakai gusun a kum taun taro tagun numugu. Ikut uniri, i sa puaso torom a taro anun o God.

Kolosi 4:18

Iau o Pol, iau ut, a tumus a nat na wasiso na marmaris ri nama lamang torom mot. Gong mot dumano ru iau, ra a kis una karabus. A marmaris anun o God in kis tomo nam mot.

1 Tesalonaika 5:25

A kum tistisi metul, mot in wararing sur metul.

2 Timoti 1:16

A wararing sur o God in maris o Onesiporus det tamtamano, uni i ser ugasgas iau, ma ke maimai un iau ra a kis una karabus.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

Pilimon 1:22

Ara utna kai: A saring ui sur un waninar tu kukur rumu sur iau, uni a nurnur lena, o God in upirso ru iau gusun a karabus sur an milet melet torom mot. Iri a win anumot a kum niaring.