Kolosi 2:4 - Nupela Testamen long tokples Kandas

⁴ A watungi lenri torom mot, sur gong taio i toro pas mot nam tu namnamin na wasiso.

Kolosi 2:4 Iomraidhean Croise

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Matiu 24:4

O Iesu i balu det lena, “Mot in tumarong, sako taio in toro pas mot.

A Wakak na Wasiso un o Iesu Karisito o Mak i tumusi 13:22

Uni lako kum torotoro na Karisito, ma lako kum torotoro na poropet det in nanpat. Det in pam lako kum ukinalong ma lako kum utna na ukisin sur det in toro pas a taro ra o God i sa pilok pas det, raut ko ra det in pet lar pasi. Ikut, ka det in pet lar pasi.

Aposel 20:30

Ma lako taro utkai tagun mot det in tur pat, ma det in pukus a lingmulusino, sur a taro na ususer det in mur det.

1 Korin 2:4

Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

2 Timoti 2:16

Un nan gisen gusun a kum wasiso ra ke sot nama nemnem anun o God, uni a taro ra det balon una ngas na wasiso lenra, det in nan bakbak ma det in bakbak doko gusun o God.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

1 Jon 2:18

A kum nutnutung, uniri dat kis una kum ururop na bung. Mot sa longoro tari lena a ebar anun o Karisito in nanpat, ma uniri a susut na ebar ra, det sa wanpat. Iri dat sa tasmani lena a ururop na bung i sa milau.

1 Jon 2:26

A tumus tar a kum utna ri torom mot, sur an utumarong mot un det ra det nem na ben raro mot.

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.

2 Jon 1:7

A susut na tene torotoro det sa wan sarara nin una rakrakon bual. Det ipul kut lena, o Iesu Karisito awu sur i wanpat a musano mulus. A ngas na musano ra, i a tene torotoro, ma a ebar anun o Karisito.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 20:3

I woro pirso tari unin labino tung ra, i tagar ma i ukai bat tari, sur gong melet mo i toro a taro tagun a kum gapman rop tuk ra ara arip na kilalo ra, in rop. Numur tano din palos ru i sur in langolango pas kut tu du nat na bung.

Tamtama 20:8

Ra in nan sur in toro pas a taro tagun a kum gapman rop tagun a wat na matmatano wuwu, a taro ra di watung det nam o Gok ma o Magok. In ben tomo det sur a inaim. A nilulukin det in elar nama woio tagun a usalin.