Jems 5:8 - Nupela Testamen long tokples Kandas

⁸ Mot kai, gong a pinimot i ngoro lakit, mot in tur dekdek una nurnur, uni a inawan pat melet anun a Labino i sa milau.

Jems 5:8 Iomraidhean Croise

Luk 21:19

Anumot a tuntunur dekdek in ulaun mot.

A Wakak na Wasiso un o Iesu Karisito o Jon i tumusi 21:22

O Iesu i balu o Pita lena, “Ra a nemi sur in laun tuk an milet, awu sur a utna anumi. Ikut ui, un mur iau.”

A Pas anun o Pol torom a taro Rom 8:25

Ikut dat, dat kis langlang nama nurnur sur a utna ra ke wanpat utmakai. Dat kis langlang, ma a pinindat ke ngoro.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Pilipai 4:5

Mot in ese puaso anumot a wowowon na petutna torom a taro rop. Milau mukut a Labino in nanpat.

1 Tesalonaika 1:10

Ra mot kis langlang sur o Nutunu, ra in nan pirso tagisapat una langit, i ra o God i sa ukatutur melet pasi gusun a minat. O naro ra, o Iesu, ra i ulaun pas dat gusun a kankan anun o God, ra in nanpat.

1 Tesalonaika 2:19

Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

2 Tesalonaika 3:5

Metul wararing sur a Labino in mugu a nuknuki mot sur mot in tasman mulus a marmaris anun o God, ma mot in tasmani kai a kisapi sur mot in tur dekdek una kum mamaut ra o Karisito i sa ese tari torom dat.

Jems 5:3

Anumot a gol ma a silwa der sa ros, ma a rosinder in takun mot, ma in nan a pinimot elar nama sungun. Una kum ururop na bung ri, mot sa ubek tomo pas anumot a kum ululeng.

Jems 5:9

A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.