Jems 5:7 - Nupela Testamen long tokples Kandas

⁷ A kum tistising, gong a pinimot i ngoro lakit, ra mot kis langlang sur a inawan pat melet anun a Labino. Mot tama a tene minarut, a pinino ke ngoro lakit, ra i kiskis langlang sur a bato in puk a piso, ma sur a wakak na makus tagun ana kinobot.

Jems 5:7 Iomraidhean Croise

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 16:28

A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a Nutun a Musano in nanpat tomo nam anun a matanitu.”

Matiu 24:27

Uni una bung na inawan pat anun a Nutun a Musano, a taro rop det in tama i. In elar namin nememe, ra i meme i tagitong una matmatano tobar, tuk una matmatano lubur.

Matiu 24:44

Mot kai, mot in koikoi taru, uni a Nutun a Musano in nanpat una du bung ra ka mot nuki lena in nanpat uni.

Luk 18:8

A watungi tamot, in ukodos lakit det. Ikut, ra a Nutun a Musano in nanpat, pepetlai, in etorom pas lako taro ut nin upiso ra det nurnur uni o awu?”

Luk 21:27

Una bung ra, det in tama a Nutun a Musano in nanpat una du bakut, nama dekdek ma a labino minamar.

Luk 8:15

Ikut a kum pitino ra det puku una wakak na piso, det elar nam ara taro ra det longoro a wasiso, ma a balandet i wakak ma i tokodos, ra det pam ukai dekdek a wasiso ra det muri tuk det wu a windet.

A Wakak na Wasiso un o Iesu Karisito o Jon i tumusi 21:22

O Iesu i balu o Pita lena, “Ra a nemi sur in laun tuk an milet, awu sur a utna anumi. Ikut ui, un mur iau.”

A Wakak na Wasiso un o Iesu Karisito o Jon i tumusi 21:23

A wasiso i wanpat epotor tan det ra det nisnisino una nurnur, lena a nat na ususer ri ken mat. Ikut o Iesu ke watungi lena ken mat, awu, i watungi kut lena, “Ra a nemi sur in laun tuk an milet, awu sur a utna anumi.”

A Pas anun o Pol torom a taro Rom 15:4

Uni a kum wasiso rop ra di sa tumus tari numugu utmakai una Buk Tabu, di tumus tari sur in ususer dat, sur dat in tur dekdek una anundat a nurnur, ma in warut dat kai, sur dat in kis langlang nama nurnur sur a kum utna o God in pami numur.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

1 Korin 1:7

I mo ra ka mot in sibo sur tu etabor anun a Tokodos na Nion torom mot, ra mot ser kis langlang nama gasgas sur anundat a Labino o Iesu Karisito ra in nanpat puaso.

Galesia 5:5

Ikut dat, una dekdekin a Tokodos na Nion dat kis langlang nama nurnur sur o God in watung dat lena a kum tene tokodos uni dat nurnur.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Kolosi 1:11

Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 2:19

Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

Ibru 6:15

Ra o Abaram i kis langlang ma a pinino ke ngoro, ra numur i utur ukai asau ra o God i sa uliliman tari nami.

Jems 4:11

A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

Jems 5:10

A kum tistising, mot in nuk pas a kum poropet tagun numugu, ra det ser wasiso nama risan a Labino. Det etorom a kum ngunungut, ikut a pinindet ke ngoro, det tur dekdek una nurnur. Ra det ese anundet a nilaun, ra i wakak sur mot kai mot in muri.

Jems 5:3

Anumot a gol ma a silwa der sa ros, ma a rosinder in takun mot, ma in nan a pinimot elar nama sungun. Una kum ururop na bung ri, mot sa ubek tomo pas anumot a kum ululeng.

2 Pita 3:4

ma det in watungi lena, “Awai mi a inawan pat melet anun o Iesu, ra i uliliman taru uni? Turpasi una kum kilalo ra a kum tumtubun dat tagun numugu det mat, a kum utna i kis lenutra o God i ukis tari, una turturkibin a ukukis.”