Jems 5:5 - Nupela Testamen long tokples Kandas

⁵ Una numot a nilaun nin una rakrakon bual, mot ukio a labino mani, una kum lukaro sur mot ut, ma un asau ra i ugasgas mot. Mot tabor butbut a pinimot, ra milau mo mot in iru, elar nama kum wewegua, ra di tabor butbut det sur din um doko det.

Jems 5:5 Iomraidhean Croise

Luk 16:19

“Ara tene gongon, i ser emar nama kum wakak na malu, ma i ser wangon wakak una kum bung rop.

Luk 16:25

“O Abaram i balu i lena, ‘Nutunglik, un nuk pasi, ra u laun utmakai, u pam ukai anum a kum wakak na utna, lenkutkai ra torom o Lasarus, i pam ukai a kum laulau na utna. Ikut uniri i utur ukai a gasgas nin, ma ui, u taramo a labino ngunungut.

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

1 Timoti 5:6

Ikut, a ula, ra i nemi sur in gasgas oros kut, i laun, ikut a niono i sa mat.

2 Timoti 3:4

Det in usobor a kum paspasan det, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God.

2 Pita 2:13

O God in balu anundet a kum sakino petutna nama laulau ino. Det gas kut ra det inum ma det sipak tuptupukus una waspi. Ra det kis tomo nam mot una kum inangon, ma det gas una nundet a kum torotoro na petutna, anundet a dur na petutna i ban umaimai mot.

A Pas anun o Jud 1:12

Ra a taro ri det wangon tomo nam mot una anumot a kum inangon na marmaris, det elar kut nama dur na utna. Det tabor masmasur pas det ut, ma ka det urur sur a taro gisen. Det elar nama bakut ra a wuwu i wup tuptupukusi, ra katu utna i ubatbati. Det elar kai nama kum duwai ra ka det wu una kalang ra det ser wu uni, det sa mat. Ra di sa gat ru det, anundet a manru na minat mo ra.

Tamtama 18:7

Mot in pitar a labino ngunungut ma a labino tupunuk tano, ra in labo elar nama a ngas na petutna ra i ser ulabo pasi ut, ma i ser ugasgasi una kinkinis na tene ululeng, I nuki uni lena, ‘Iau a kwin, ma a kis una nung a kiskis na kwin. Awu sur iau a ula, kan tupunuk lar pas.’