Jems 5:16 - Nupela Testamen long tokples Kandas

¹⁶ I mo ra mot in wasiso puaso etetalai torom mot una numot a kum sakino petutna, ra mot in wararing un mot etetalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.

Jems 5:16 Iomraidhean Croise

Matiu 21:22

Ra mot nurnur, a kum utna rop ra mot wararing suri, din pitari ut torom mot.”

Matiu 3:6

Det watung puaso anundet a kum sakino petutna, ra i baptaiso det una danim Jodan.

A Wakak na Wasiso un o Iesu Karisito o Mak i tumusi 1:5

A taro rop tagisapat o Jerusalem ma tagun a kum tamon rop kai una papor Judia, det wan toromi. Det watung puaso anundet a kum sakino petutna, ra i baptaiso det una danim Jodan.

Luk 9:6

A kum nat na ususer det wan tuptupukus una kum tamon, det warawai nama Wakak na Wasiso, ma det ulangolango pas a taro una kum tamon rop.

A Wakak na Wasiso un o Iesu Karisito o Jon i tumusi 9:31

Dat sa tasmani lena o God ken longoro a niaring anun a kum tene sakino, in longoro det kut ra det pam a petutna ra i wakak umatan o God ma det ser mur anun a nemnem.

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 19:18

A susut tagun det ra det nurnur, det wanpat ma det watung puaso anundet a kum sakino petutna.

Aposel 8:24

Ra o Saimon i balu i lena, “Mur in wararing torom a Labino un iau, sur gong tu utna tagun a kum utna ra mur watung tari, in nanpat un iau.”

A Pas anun o Pol torom a taro Rom 3:10

Elar nami ra di sa tumus tari una Buk Tabu lena, “Katutaio i tokodos, katutaio ut!

A Pas anun o Pol torom a taro Rom 5:19

Una pitarngat anun ara musano kut, a susut na taro det a kum tene sakino. Lenkutkai ra, una mur wasiso anun ara musano kut, o Iesu Karisito, a susut na taro det a kum tene tokodos.

Kolosi 1:9

Iri a kibino ra, ka mir mana nama niaring sur mot, turpasi una bung ra mir longoro a wasiso un mot. Mir ser saring o God, sur in ubukus mot nama mananos sur mot in talapor una nun a nemnem, ma in ubukus mot nama mananos ma a wakak na nuknuk rop, ra a Niono i tabor mot nami.

1 Tesalonaika 5:17

Gong mot mana nama niaring.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

1 Tesalonaika 5:25

A kum tistisi metul, mot in wararing sur metul.

Ibru 11:4

Una nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.

Ibru 11:7

O Noa i longoro a utumarong anun o God toromi una kum utna ra in nanpat ra ka di tama i utmakai. Ra una nun a nurnur, i ru pas o God ma i mur anun a wasiso, ma i pam a sip, ra i ulaun pas det tamtamano uni. A nurnur anun o Noa i upuaso a kum sakino petutna anun a taro una rakrakon bual, ra o God i kuro det uni. Ma o God i watung o Noa a tene tokodos, kibino una nun a nurnur.

Ibru 12:13

Ma “mot in nanan una tokodos na kisapi,” Snd 4:26 sur a kikimot ra ke dekdek gong i tikiras, in wakak melet kut.

Ibru 13:18

Mot in wararing sur met. Met tasman mulusi lena a nuknuki met ke takun met un tu utna, ma met nemi sur anumet a petutna in tokodos una kum utna rop.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Jon 3:22

Ma asau rop ra dat saringi suri, in pitari ut tandat, uni dat mur anun a kum warkurai, ma dat pam asau ra i ugasgasi.