Jems 4:11 - Nupela Testamen long tokples Kandas

¹¹ A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

Jems 4:11 Iomraidhean Croise

Luk 6:37

“Gong mot takun tar taio, sako o God in takun mot. Gong mot kuro tar taio sur in los a warkurai na minabalu, sako o God in kuro mot ra mot in los a warkurai na minabalu. Mot in dumano ru a kum sakino petutna ra a taro det pami un mot, ma o God in unus ru anumot a kum sakino petutna.

A Pas anun o Pol torom a taro Rom 2:1

I mo ra, mot ra mot ser takun a taro gisen lena, ka det tokodos, ka mot in ipul lar pas. Anumot a etakun in takun melet mot ut. Uni mot takun a taro gisen, ikut mot kai, mot pami kut a sakino petutna ra.

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

A Pas anun o Pol torom a taro Rom 7:7

I mo ra asau mo dat in watungi? Pepetlai, a kum Warkurai a sakino petutna? Awu ut! Ra katu Warkurai, kan tasmani kai a sakino petutna. Lenri, ra o God ken watung tari una kum Warkurai lena, “Gong u nuknuk laulau sur a utna anun taio,” kan tasmani kai lena, a nuknuk laulau sur a utna anun taio i a sakino petutna.

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

Epeses 4:31

Mot in lakro ru a nuknuk laulau, a kankan, a wasiso na engaras, a ugaia na kankan, a emang, ma a kum sakino petutna rop kai.

1 Timoti 3:11

Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop.

2 Timoti 3:3

Ma ka det in tasman a marmaris, ma ka det in nuk dumano a sakino anun ara, ma det in ban laulau a risan ara, ma ka det in tamtamabat wakak anundet a nilaun, ma det in waim ma det in ban laulau a taro, ma ka det in nem a wakakino.

Taitus 2:3

Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak.

Jems 1:16

A kum wakak na tistising, gong mot madek tar taio sur in toro pas mot.

Jems 1:19

A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit.

Jems 1:25

Ikut, ra taio in longoro wakak a tokodos na warkurai anun o God, ma in ser muri, ma ke dumano i, a musano ra, in dan una nun a kum pinapam. A warkurai ri, ra in longoro i, i ser ulangolango a taro.

Jems 2:8

Mot in pam sot pas a warkurai ra i labo sakit una Buk Tabu. I lenri, “Un nem o pasam elar nami ra u nem ui ut.” Wkp 19:18 Ra mot pami lenra, mot pam a tokodos na petutna.

Jems 5:10

A kum tistising, mot in nuk pas a kum poropet tagun numugu, ra det ser wasiso nama risan a Labino. Det etorom a kum ngunungut, ikut a pinindet ke ngoro, det tur dekdek una nurnur. Ra det ese anundet a nilaun, ra i wakak sur mot kai mot in muri.

Jems 5:7

A kum tistising, gong a pinimot i ngoro lakit, ra mot kis langlang sur a inawan pat melet anun a Labino. Mot tama a tene minarut, a pinino ke ngoro lakit, ra i kiskis langlang sur a bato in puk a piso, ma sur a wakak na makus tagun ana kinobot.

Jems 5:9

A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.

1 Pita 2:1

I mo ra mot in lakro ru a kum sakino petutna rop, a wasiso torotoro ma a nilaun na torotoro, a nuknuk laulau sur a utna anun taio, ma a wur ngas na wasiso laulau un taio.