Jems 3:10 - Nupela Testamen long tokples Kandas

¹⁰ A wasiso na watung ulabo a Labino, ma a wasiso ra i ban laulau taio, der rop, der ser pirso kut gusun a wandat. A kum tistising, ke tokodos lenra.

Jems 3:10 Iomraidhean Croise

A Pas anun o Pol torom a taro Rom 12:14

Ra a taro det ban laulau mot, mot in watung udan det, ma gong mot saring o God sur in ban laulau det.

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

1 Timoti 5:13

Det in ukio anundet a kum du bung nama inawan tuptupukus una kum rumu. Ma det in wasiso eno, det in wasiso una utna ra awu sur anundet, ma det in watung a kum wasiso ra ke wakak sur det in watungi.

Jems 1:16

A kum wakak na tistising, gong mot madek tar taio sur in toro pas mot.

Jems 1:19

A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit.

Jems 3:1

A kum tistising, gong lako susut tagun mot det wanpat a kum tene ususer tagun a lotu, uni mot tasmani lena, a warkurai anun o God torom met, a kum tene ususer, in dekdek sakit tan a warkurai torom a taro gisen.

Jems 3:11

A danim ra i mapak, ma a danim ra i wakak, der in sal tomo pepetlai gusun in teken matmatano danim kut?

Jems 3:9

Dat watung ulabo pas a Labino a Tamandat namin karmendat, ma dat watung laulau i kai a taro nami, det ra o God i ukis tar det elar nama malalarino.

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.